JEREMÍAS 30:24 - Biblia Guarani Tumpa Iñee

²⁴ YandeYa iyarasɨ ngaraa oasa, jae oipota vae, opa oyapo regua. Oväeta ara peikuaa vaerä kuae mbaembae reta.

JEREMÍAS 30:24 ပူးပေါင်းရင်းမြစ်များ

GÉNESIS 49:1

Jacob oenɨi taɨ reta, jare jei: “Peya katu cheré, amombeuta peve mbae oikota kuri pe reta ndive vae:

ISAÍAS 14:24

YandeYa Imbaepuere yae ete vae jei jee re aeño: “Añetete, che ayemongeta rami oyeapota; ayemongeta oyeapo vaerä vae oyembopota ko.

ISAÍAS 46:11

Kuaraɨ oëa kotɨ güi aenɨi metei güɨraké rami vae, matɨ güi outa metei kuimbae aiparavo vae, outa oyapo ayemongeta ayapo vaerä vae. Jae vae, ayapota ko, ayemongeta ayapo vaerä vae, ambopota ko.

JEREMÍAS 23:19

YandeYa iyarasɨ outa ama ɨvɨtuai reve rami; outa ama ɨvɨtuai reve rami jeko kavimbae reta re.

JEREMÍAS 23:20

Ngaraa osɨrɨ yandeYa iyarasɨ, oyeapo regua jae oyapota vae, oyapo regua jae ipɨa pe oyemongeta vae. Oväeta ara peikuaa kavi vaerä kuae mbaembae reta.

JEREMÍAS 4:28

Ɨvɨ jare ara ipɨatɨtɨ yaeta. Echa jae ma ko, ngaraa ma aipoepɨ cheyemongeta; ayapo ma, ngaraa ma aja ye cheraɨkue kotɨ.

JEREMÍAS 4:8

Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

JEREMÍAS 48:47

Ërei metei ara, Moab aru yeta kuri iɨvɨ pe tembipɨɨrä oikoa güi. Che ndeYa ko jae kuae.” Jae kuae Tumpa iporojäa oiko vaerä Moab ndive.

JEREMÍAS 49:37

Elam amborɨrɨiukata okɨɨye güi jovaicho reta jóvai, aruta chupe susere reta, aitɨta chearasɨ jese reta, jare ambouta chupe ñeraro opaetei omokañɨtei regua. Che ndeYa ko jae kuae.

JEREMÍAS 49:39

Ërei metei ara, Elam pegua reta aru yeta iɨvɨ pe tembipɨɨrä yogüɨrekoa güi. Che ndeYa ko jae kuae.”

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

MIQUEAS 4:1

Ara taɨkuegua rupi ɨvɨtɨ, yandeYa jo oï jese vae, oïta kuri opaete ɨvɨtɨ reta itenondeguarä, ɨvate yaeta opaete vae ɨvɨtɨ reta güi, jare opaete vae tëta yogüeruta ikotɨ.

NÚMEROS 24:14

Aja yeta cherëta kotɨ, ërei tamombeu voi ndeve këraita kuae tëta oyapo kuri nerëta vae.

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

DEUTERONOMIO 4:30

Peï yave mbɨatɨtɨ pe, perupitɨ yave opaete kuae mbaembae, jare taɨkue rupi peyerova ye yave yandeYa Tumpa kotɨ, jare peendu yave iñee jeigüe;

1 SAMUEL 3:12

Jókuae ara che ambopota cheñee Elí kotɨ, opaete mbaembae che jae iñemuña reta kotɨ vae, iyɨpɨ güive iyapɨ kotɨ.