JEREMÍAS 30:18 - Biblia Guarani Tumpa Iñee

¹⁸ YandeYa jei: “Aru yeta tembipɨɨ güi Jacob iñemuña reta, aiparareko yeta iɨvɨ; omopüa pɨau yeta tëta guasu oyemboaigüe, jare mburuvicha guasu jo, jendagüe pe.

JEREMÍAS 30:18 ပူးပေါင်းရင်းမြစ်များ

1 CRÓNICAS 29:1

Jaɨkue rupi mburuvicha guasu David jei opaete oyemboatɨ ñogüɨnoi vae pe: “Cheraɨ Salomón, Tumpa oiparavo vae taɨrusu yae vɨteri, javoi mbaravɨkɨ ko tuicha yae, echa jókuae o mbaetɨ ko kuimbae peguarä, yandeYa Tumpa peguarä ko.

1 CRÓNICAS 29:19

Emee vi cheraɨ Salomón pe ipɨa isɨmbi vaerä, jökorai oyapo vaerä opaete ndeporookuai reta, jare remombeu opaete oyeapo vaerä vae, jare ipuere vaerä omopüa tupao, echa che añono kavi ma omopüa vaerä ndeve.’ ”

NEHEMÍAS 7:4

Echa jókuae tëta tuicha yae ko, ërei pɨpegua reta mbaetɨ jeta, jare o reta ndeiño vi oyeapo kavi ye.

SALMOS 102:13

Epüa jare eiparareko mo Sión, echa oväe ma ko ara; ¡oväe ma ko neɨ̈ro chupe vaerä!

SALMOS 102:14

Nderembiokuai reta oaɨu omae jëtagüe ita reta re, ¡ipɨatɨtɨ omae reta jëtagüe opa oyemboai vae re!

SALMOS 122:7

Toiko mbɨakatu nekësea reta japɨpe, toiko mbutuu mburuvicha reta jo reta rupi.

SALMOS 48:13

pemae kavi ikësea re jare mburuvicha jo reta re, pemiari vaerä peñemuña reta taɨkue rupi oimeta vae pe,

SALMOS 48:3

Tumpa oï o mburuvicha jo Jerusalén pegua pe; jae oyekuaauka metei ñepɨ̈roa ikavi yae vae rami.

SALMOS 78:69

Omopüa jo mbaemboetea jekuae avei pegua, oyapo ɨvɨ oiko avei vae rami.

SALMOS 85:1

CheYa Tumpa, ndeporoparareko yae ko kuae tëtaguasu ndembae vae re; reru ye tembipɨɨ güi Jacob iñemuña reta;

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 30:3

echa oväeta ara, aru ye vaerä chembae vae reta Israel jare Judá pegua reta, tembipɨɨrä ñogüɨnoia güi. Aru yeta yogüɨreko vaerä ɨvɨ, che amee iñemuñagüe reta imbaerä vae pe.”

JEREMÍAS 31:23

YandeYa Imbaepuere yae ete vae Israel iTumpa jei: “Aru ye ma Judá pegua reta tembipɨɨ güi iɨvɨ pe, jare yogüɨreko ye ma pɨpe yave, jei retata kuae ñee: ‘¡YandeYa tiporerekua kuae ɨvɨtɨ oñeñono tee jare jupigüe oyeapo pɨpe vae re!’

JEREMÍAS 31:38

YandeYa jei: “Oväeta ara cherëta guasu oñemopüa pɨau ye vaerä, oɨvate Hananeel jee vae güive Öke Jugua jee vae pe.

JEREMÍAS 31:4

Romopüa pɨau yeta, Israel. Rembopu yeta angúa raɨ, repɨraeta reyerovia katu reve.

JEREMÍAS 31:40

Opaete ɨvɨtɨ päu ipe kavi vae omanogüe oñeotɨ pɨpe vae jare tanimbu oyemomboa, jare opaete ɨvɨtɨ päu ipe kavi vae oï ɨ̈aka Cedrón iárambo vae güive Kavayu Röke jee vae iekina pe, kuaraɨ oëa kotɨ, oñeñono tee chevegüarä. Jare kuae tëta guasu ngaraa ye ma oyemboai.”

JEREMÍAS 32:15

Echa, yandeYa Imbaepuere yae ete vae Israel iTumpa jei: Kuae ɨvɨ pe pegua yeta kuri peyeupe o, ɨvɨ jare uvarupa.’

JEREMÍAS 32:44

Ogua retata jare oikuatiata tupapire mbaegua regua, sello oyemboyeɨta jese jare kia jovake oyegua vae jee oikuatiata jese. Kuae oyeapota Benjamín iɨvɨ pe, Jerusalén iyɨ́vɨri rupi jare tëta guasu reta Judá pegua rupi, tëta guasu reta ɨvɨtɨ guasu rupigua rupi jare ɨvɨpe rupi jare Neguev pegua tëta guasu reta rupi, echa che aru yeta tembipɨɨ reta güi. Che peYa ko jae kuae.”

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

JEREMÍAS 33:7

Aru yeta Judá pegua reta jare Israel pegua reta tembipɨɨ güi, jare añono kavi yeta tenonde yave rami.

JEREMÍAS 46:27

Cherembiokuai Jacob agüɨye ekɨɨye; agüɨye ekɨɨye Israel. Echa nde jare neñemuña reta poyorata jókuae ɨvɨ mombɨrɨ peyererajaukaa güi. Peyu yeta peiko mbɨakatu pe, peiko pɨagüiveta, ngaraa kia pemongɨɨye.

JEREMÍAS 49:39

Ërei metei ara, Elam pegua reta aru yeta iɨvɨ pe tembipɨɨrä yogüɨrekoa güi. Che ndeYa ko jae kuae.”

JEREMÍAS 49:6

Ërei jaɨkue rupi aru yeta tembipɨɨ güi Amón iñemuña reta. Che ndeYa ko jae kuae.”

EZEQUIEL 36:11

Amoñemuñata jeta kuimbae reta jare mɨmba reta peré; oyembojeta yaeta; jeta yaeta kuae pe vae tenonde yave rupi rami, jare peiko kavi yaeta tenonde rupi vae güi. Jayave oikuaa retata che ko jae Tumpa vae.

AMÓS 9:14

Jayave Israel tëta chembae vae aru yeta tembipɨɨ güi, jare omopüa pɨau reta yeta tëta oyemboai oï vae, jare yogüɨrekota pɨpe; oñotɨ retata uva, jare jou retata tɨgüegüe, ko oyapo retata jare jou retata jemitɨ iagüe.

ZACARÍAS 1:12

Jayave yandeYa iaraɨgua jei: “CheYa Imbaepuere yae ete vae, ¿kërai yave regua pa mbaetɨ reiparareko Jerusalén vae oikota, jare Judá pegua tëta reta, kuae re setenta año ma ndearasɨ reiko?”

ZACARÍAS 1:16

Jáeramo, che ayerova Jerusalén kotɨ cheporoparareko ndive, joko pe chero amopüa pɨau yeta jare Jerusalén, jei yandeYa Imbaepuere yae ete vae.’ ”

ZACARÍAS 12:6

Jókuae ara rupi sundaro ruvicha reta Judá pegua añonota tätapɨi rɨru jendɨ yepea pɨte pe oï vae rami, tatasɨgüe jendɨ vae rami añonota trigo oyeasɨagüe ipɨte pe. Oapɨta opaete tëta reta iyakatu kotɨ jare iyasu kotɨ ñogüɨnoi vae, Jerusalén pe jekuae oime yeta yogüɨreko vae.

ZACARÍAS 12:7

Ërei tenonde, che aepɨta opaete ïru Judá iñemuña reta, agüɨye vaerä David iñemuña jare Jerusalén pegua reta iyemboeteaño oyembotuicha Judá iñemuña reta güi.

ZACARÍAS 14:10

Opaete ɨvɨ ipe kavi vae rami opɨtata Geba güive Rimón kotɨ, Jerusalén güi arayevɨ kotɨ. Jerusalén tuicha yaeta jare jeta yaeta pɨpe vae, öke Benjamín Röke jee vae güive tenondegua öke pe Ekina Röke jee vae pe, jare Hananeel jo ɨvate güive mburuvicha guasu reta iuva oñetɨamía pe.