JEREMÍAS 30:17 - Biblia Guarani Tumpa Iñee

¹⁷ Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 30:17 ပူးပေါင်းရင်းမြစ်များ

JOB 5:18

Echa jae ko oyapo mbaerasɨ pɨ̈chɨi, ërei jae yeño ko oipoano, jae ko oporombopere, ërei jae yeño ko oipoano.

SALMOS 103:3

Iñɨ̈ro ko cheve opaete cheyoa reta re, jae ko chembogüera opaete chembaerasɨ güi,

SALMOS 107:20

ombou iñee jare ombogüera reta; ¡güɨroasayepe reta mano güi!

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 142:4

Emae cheakatu kotɨ, mbaetɨ kia chemborɨ vaerä. ¡Mbaetɨ anoi kia chereepɨ vaerä! ¡Mbaetɨ kia oyemoambeko cheré!

SALMOS 23:3

Chemomɨ̈ratata, chereroatata tape jupi vae rupi, jee imboetea yae jeko pegua.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ISAÍAS 11:12

Omopüata bandera opaete tëtaguasu reta peguarä, omboatɨta peɨvɨ Israel güi oyemombogüe reta, omboatɨta Judá pegua reta opa oñemoai ñogüɨnoi mombɨrɨ ara igüɨ kotɨ rupi vae.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 33:24

Sión pegua reta ngaraa ma jei: “Chembaerasɨ aï.” Tumpa iñɨ̈rota opaete iyoa re chupe reta.

ISAÍAS 54:6

Echa yandeYa nereenɨi kuña oyemombogüe jare mbɨatɨtɨ rupi oiko vae oñeenɨi rami; tembireko taɨrusu vae oyemombogüe rami, neTumpa nereenɨi jare jei ndeve:

ISAÍAS 56:8

Che peYa Tumpa, Israel iñemuña reta opa oñemoai moai ñogüɨnoi vae reta omboatɨ vae, jae körai: Amboatɨ ye ñotai ïru tëta reta rupi oñemoai ñogüɨnoi vae.”

ISAÍAS 57:18

Aecha jeko reta, ërei aipoanota jare ayangarekota jese reta. Che ambopɨakatuta ipɨatɨtɨ vae reta;

ISAÍAS 57:19

jare jaeta opaete vae pe: ‘¡Mbɨakatu toime mombɨrɨ ñogüɨnoi vae pe jare mbɨakatu toime köiño ñogüɨnoi vae pe! Che aipoanota tëta chembae vae reta.’

ISAÍAS 58:8

Jayave, reyekuaata tembipe omboesape köembipe yave vae rami, jare ndepere okuerata jarembae pegua, jupi vae oikota nde ndive, ndeYa Tumpa oikota nderaɨkue ndeangareko vaerä.

ISAÍAS 60:15

Ngaraa ma reyemombo reiko, reñereröɨro ani reiko ndeiño, che rombotuicha yaeta jekuae avei pegua, vɨakatu oñeväeta nderé jekuae avei rupi.

JEREMÍAS 10:20

Chero guakapi pegua oyemboai oï, opaetei iïcha oso. Chemembɨ reta opa chereeya, ¡mbaetɨ ma oikove reta! Mbaetɨ ma kia omopüa ye vaerä chero guakapi pegua, asoya o imboyaoa omoata vaerä ave mbaetɨ.

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 30:13

Mbaetɨ kia oyemoambeko peré; mbaetɨ kia oipoano pepere, mbaetɨ moa chupegua.

JEREMÍAS 33:24

“¿Mbaetɨ pa reikuaa amogüe ketɨgua reta kuae pe yogüɨreko vae jei che aröɨro ko mókoi tëtara aiparavo vae, jae ko Israel jare Judá? ¡Jáeramo güɨröɨro reve omae reta chembae vae reta re, jare mbaetɨ ma oipapa tëtaguasu rami!

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

JEREMÍAS 8:22

¿Mbaetɨ ra mbae nunga moa yepe Galaad pe? ¿Mbaetɨ ra kia oporopoano vae joko pe? Jayave, ¿maera pa mbaetɨ okuera cherëtaɨgua reta?

LAMENTACIONES 2:15

Opaete tape rupi oasa vae reta oyepopete ndeyóyai yóyai reve; otɨvɨñee jare iñäka ombovava oyóyai reve Jerusalén, jei reta: “¿Jae pa kuae, tëta guasu ikavi yae opaete güi kuae ɨvɨ pe jei chupe reta vae?”

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

EZEQUIEL 35:12

Jayave reikuaata che Tumpa aendu ko opaete mbae jasɨ katu vae rere Israel pegua ɨvɨtɨ reta kotɨ vae. Echa pere: ¡Opa oyemboai reta, jare añave jëgua ma yandepo pe oï vaerä!

EZEQUIEL 36:20

Yogüɨraja reta oväe ïru tëtaguasu reta pe yave, güɨröɨrouka reta cheree, echa jeiuka reta iyeupe: ‘Jae ko kuae Tumpa imbae reta, ërei opa oeya reta iɨvɨ.’

OSEAS 11:3

Jeseve che aipoko amboe oguata Efraín; ërei mbaetɨ oikuaa che ko ayangareko jese vae.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

Apocalipsis 22:2

Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.