JEREMÍAS 30:15 - Biblia Guarani Tumpa Iñee

¹⁵ ¿Maera pa peroäse pepere? Pembaerasɨ ipöambae ko. Ikavimbae jeta peyapo jeko pegua, jare peyoa jeta yae vae jeko pegua, körai poapo.

JEREMÍAS 30:15 ပူးပေါင်းရင်းမြစ်များ

ESDRAS 9:13

Ërei opaete kuae mbaembae oasa ore ndive orereko ikavimbae jeko pegua, jare oreyoa yae jeko pegua, nde oreTumpa mbaetɨ reiporarauka oreve orereko kavimbae rupi etei, remaeño mbovɨ roikove vaerä.

JOB 34:29

Tumpa mbaetɨ mbae oyapo yave, ¿kia pa ojäata? Oñomi jova yave, ¿kia pa oechata? Jae omae jeta vae re jare kia ñavo re,

JOB 34:6

Cheaputa apɨta ayemboeko yave jupimbae reve, chepere reta mbaetɨ okuera, yepe tëi mbaetɨ cheyoa.”

SALMOS 107:17

Oiporara yarakuaambae reta, ipɨapochɨ reta jare jembiapo kavimbae jeko pegua,

ISAÍAS 1:6

Pepɨ mbɨte güive peäka kotɨ mbaetɨ ikavi, ipere oï, iruru oï, ichuumbi pepere; mbaetɨ oñepoano, mbaetɨ oyeokua, mbaetɨ vi oñepoano olivo iasaite pe.

ISAÍAS 5:2

Oikëse iɨvɨ jare opa güɨnoe ita omombo, jare oñotɨ uva iɨ ikavigüe. Jare jemitɨ mbɨte pe omopüa maeka ɨvate vae, jare oyapo vi uva oitɨami pɨpe vaerä. Chevɨa-ïru oäro tëi iuva iagüe jëe kavi vaerä, ërei iuva iagüe jayasɨ yae chupe.

JEREMÍAS 11:13

Echa nde Judá, jeta yae tumpa-raanga renoi, tëta guasu reta jeta yae renoi rami; jare Jerusalén ikaye jeta yae rami, pemopüa jeta mbota renda Baal peguarä, peapɨ vaerä chupe ikäti kavi vae incienso.

JEREMÍAS 15:18

¿Maera pa chepɨa pe jasɨ vae mbaetɨ oasa? ¿Maera pa chepere mbaetɨ okuera; okueraä etei moa oñeñono jese yave? ¿Chereeyata pa nde, ɨesaɨ tɨpa katu vae rami?

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 30:12

YandeYa jei: “Pepere ipöambae ko, pembaerasɨ reta mbaetɨ ipöa.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 30:16

Ërei opaete pemboai vae, oyemboaita, jare opaete perovaicho oyererajata tembipɨɨrä iɨvɨ güi; amboaiukata jókuae pemboai vae, opaete jókuae opɨ̈ro mbae pegüi vae, oñepɨ̈rota vi mbae chugüi reta.

JEREMÍAS 30:17

Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 46:11

¡Egipto, ekua Galaad pe eeka moa! ¡Yepe tëi jeta moa reiporu, mbaetɨ eteita ikavi ndeve, echa mbaetɨ moa ndeveguarä!

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

LAMENTACIONES 1:5

Jovaicho reta ñogüɨnoi tenondeguarä, imotareɨa reta opa oyemboikokatu. Echa yandeYa ko oiporarauka, oyembopɨa pochɨ yae jeko pegua. Pɨpegua reta opa oyererajauka jovaicho reta pe ɨvɨ ambuae kotɨ.

LAMENTACIONES 2:13

¿Kia ndive pa romboyovaketa ani rombojaangata, Jerusalén? ¿Mbae re pa ambojaangata ndeve, rombopɨakatu vaerä tëta chembae vae Sión? Echa ɨguasu tuicha yae rami resusere; ¿kia pa ndembogüerata?

LAMENTACIONES 3:39

¿Maera pa kuimbae iñeengeta yeño iyoa reve oikove tëi oï reve?

LAMENTACIONES 4:13

¡Opaete kuae oasa, ñeemombeúa reta iyoa jeko pegua jare isacerdote reta jeko kavimbae jeko pegua, echa tëta guasu rupi etei oyuka reta jekombae reta!

MIQUEAS 1:9

Echa Samaria ipere, okuerambae ko, jare ou oväe Judá pe, ou oväe cherëta jöke pe, Jerusalén pe.

MIQUEAS 7:9

Aropɨata yandeYa iyarasɨ; echa cheyoa ikotɨ, ojäa regua chereko jare chembojupi regua. Jae cherenoeta tembipe pe jare aechata iporombojupi.

NAHUM 3:19

¡Mbaetɨ moa ndepere peguarä; ndepere okuerambae ko! Opaete vae oendu yave ndesusere oyepopete retata oyerovia güi, echa jeta ko oiporara reta ndereko ikavimbae.