JEREMÍAS 30:14 - Biblia Guarani Tumpa Iñee

¹⁴ Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 30:14 ပူးပေါင်းရင်းမြစ်များ

JOB 16:9

YandeYa iyarasɨ rupi oiporarauka cheve, jäi ombokɨrɨrɨu chekotɨ mbaeporou rami, omaeäta cheré jovaicho rami.

JOB 19:11

Iyarasɨ yae chekotɨ, jare cheñono jovaicho reta ipɨte pe.

JOB 30:21

Ndepɨapochɨ reyeapo chekotɨ, ndembaepuere pe reiporarauka cheve.

SALMOS 107:17

Oiporara yarakuaambae reta, ipɨapochɨ reta jare jembiapo kavimbae jeko pegua,

ISAÍAS 57:13

Resapúkai netumpa-raanga reta pe ndemborɨ vaerä yave, ngaraa ndemborɨ, ngaraa vi ndereroasayepe. Opata ɨvɨtu güɨroveve jókuae netumpa-raanga reta; ërei cheré güɨrovia vae, güɨnoita ɨvɨ imbaerä jare oikota cheɨvɨtɨ oñeñono tee vae pe.

JEREMÍAS 14:17

Ere opaete vae pe kuae ñee: ‘Toyepɨyere cheresaɨ, ara pe jare pɨ̈tu yave toyepɨyere iyapɨmbae, echa yavaetegüe susere ou cherëta re, tuicha yae ipere.

JEREMÍAS 2:36

¿Maera pa ndeandeko yae reñemoïru vaerä? Egipto ombaeyavɨta vi ko ndeve, Asiria ombaeyavɨ ma ndeve rami.

JEREMÍAS 22:20

“¡Judá, eyeupi ɨvɨtɨ Líbano re jare esapúkai! ¡Ɨvɨtɨ Basán re esapúkai! ¡Esapúkai ɨvɨtɨ Abarim güive, echa opaete ndeporopota jese vae reta opa oñemokañɨtei!

JEREMÍAS 22:22

Ɨvɨtu opata güɨraja nderuvicha reta, jare ndeporopota jese vae reta opata oyereraja iɨvɨ güi. Nemara yaeta repɨta jare reñemomichiukata, opaete ikavimbae reyapo vae jeko pegua.

JEREMÍAS 30:15

¿Maera pa peroäse pepere? Pembaerasɨ ipöambae ko. Ikavimbae jeta peyapo jeko pegua, jare peyoa jeta yae vae jeko pegua, körai poapo.

JEREMÍAS 32:29

Caldeaɨgua reta añave opüa ñogüɨnoi tëta guasu re vae oiketa pɨpe jare oyatapɨ retata jese; oapɨta vi o reta, iárambo güɨnoi reta ikäti kavi vae incienso oapɨ Baal peguarä jese vae, jare mbota vino oyepɨyere tumpa ambuae reta pe vae, jókuae rupi chemboarasɨuka reta vae.

JEREMÍAS 32:30

Iyɨpɨ güive ɨvɨ Israel pegua reta jare ɨvɨ Judá pegua reta oyapo avei ikavimbae cheróvai; chemboarasɨuka reta itumpa-raanga reta, jae reta aeño oyapo iyeupe vae rupi. Che peYa jae kuae.

JEREMÍAS 32:34

Jare chetupao oñeñono tee cheveguarä vae pe oñono reta itumpa-raanga pɨ̈chɨi yae vae reta; jökorai omongɨa reta chetupao.

JEREMÍAS 32:35

Omopüa reta vi mbaemboete renda reta Baal peguarä, ɨvɨtɨ päu ipe kavi vae Ben-hinom pe, imichia reta oapɨ vaerä jese Moloc pe, jökorai oitɨ reta mbaeyoa pe Judá; mbae ikavimbae yae ko, che mbaetɨ ayókuai jese reta vae jare mbaetɨ vi kërai ave yepe ayemongeta jese vae.

JEREMÍAS 38:22

opaete kuña reta opɨta mburuvicha guasu Judá pegua jo pe vae, oñerenoeta oñemee Babilonia pegua mburuvicha guasu iyɨvɨrigua mburuvicha reta ipo pe; jare jókuae kuña reta etei jeita: “Mburuvicha guasu, ndevɨa-ïru ikavigüe reta ndembotavɨ jare nemoamɨri; omaeño ndepɨ oike tuyuapo yasuru vae pe, javoi ikupe omee reta ndeve.”

JEREMÍAS 4:30

Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

JEREMÍAS 50:42

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re; oïndaivi oñoraro reta vaerä Babilonia pegua reta ndive.

JEREMÍAS 6:23

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re, oïndaivi oñeraro reta vaerä, pe Sión pegua reta ndive.”

LAMENTACIONES 1:19

Asapúkai tëi cheraɨu vae reta pe, ërei jae reta chembotavɨ. Chesacerdote reta jare chetenondegua reta opa omano tëta guasu pe, oeka reta tëi tembíu, agüɨye vaerä jovaruru.

LAMENTACIONES 1:2

Ipɨatɨtɨ yae reve oyaeo pɨ̈tu rupi, jesaɨ osɨrɨ jova rupi. Opaete oaɨu vae reta güi, mbaetɨ metei ave ou ombopɨakatu vae. Opaete ivɨa-ïru reta ave oyembosɨrɨ chugüi, oyemboyovaicho reta ikotɨ.

LAMENTACIONES 2:1

¡Kërai yandeYa opa oñova pɨtumimbi pe, tëta Sión pegua reta iyarasɨ rupi! Ɨvate güi oitɨ tëta Sión ipöra yae vae, ara güi oitɨ ɨvɨ pe rami; iyarasɨ iara pe, mbaetɨ imaendúa itupao re.

EZEQUIEL 23:22

Jáeramo, che ndeYa Tumpa jae körai: Amboarasɨukata ndeaguasa reta ndekotɨ, reyuguaru chugüi vae reta. Oipota rupi güi ambouta ndekotɨ,

EZEQUIEL 23:9

Jáeramo amee iyaguasa Asiriaɨgua reta ipo pe, jókuae jae iporopota jese vae pe.

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

OSEAS 5:14

Echa che aïta yaguapope rami Efraín pe; jare yaguapope raɨ rami Judá pe; che apɨ̈rota araja, jare ngaraa kia ipuere opɨ̈ro ye chepo güi.

ABDÍAS 1:7

Opaete pe ndive oñemoïru vae pe peyembotavɨuka; perenoe pemombo peɨvɨ güi ae, pevɨa-ïru reta ave oyovaicho pekotɨ jare pevɨa-ïru reta oñono peraperä pe ñuai. ¡Edom pegua reta mbaetɨ güɨnoi arakuaa katu!”