JEREMÍAS 30:13 - Biblia Guarani Tumpa Iñee

¹³ Mbaetɨ kia oyemoambeko peré; mbaetɨ kia oipoano pepere, mbaetɨ moa chupegua.

JEREMÍAS 30:13 ပူးပေါင်းရင်းမြစ်များ

JOB 34:29

Tumpa mbaetɨ mbae oyapo yave, ¿kia pa ojäata? Oñomi jova yave, ¿kia pa oechata? Jae omae jeta vae re jare kia ñavo re,

JOB 5:18

Echa jae ko oyapo mbaerasɨ pɨ̈chɨi, ërei jae yeño ko oipoano, jae ko oporombopere, ërei jae yeño ko oipoano.

SALMOS 106:23

Tumpa opata tëi omboai reta, ërei jembiparavo Moisés oyopia, omoröɨsa iyarasɨ chugüi, agüɨye vaerä opa omboai.

SALMOS 142:4

Emae cheakatu kotɨ, mbaetɨ kia chemborɨ vaerä. ¡Mbaetɨ anoi kia chereepɨ vaerä! ¡Mbaetɨ kia oyemoambeko cheré!

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ISAÍAS 1:6

Pepɨ mbɨte güive peäka kotɨ mbaetɨ ikavi, ipere oï, iruru oï, ichuumbi pepere; mbaetɨ oñepoano, mbaetɨ oyeokua, mbaetɨ vi oñepoano olivo iasaite pe.

ISAÍAS 59:16

Jare yandeYa ipɨakañɨ, oecha yave mbaetɨ kia oyapo kavi kuaekuae; jayave jae etei oyapo imbaepuere rupi, jare oporomoamɨri.

JEREMÍAS 14:19

CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

JEREMÍAS 30:17

Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

JEREMÍAS 46:11

¡Egipto, ekua Galaad pe eeka moa! ¡Yepe tëi jeta moa reiporu, mbaetɨ eteita ikavi ndeve, echa mbaetɨ moa ndeveguarä!

JEREMÍAS 6:7

Jerusalén güi oë ikavimbae, ɨesaɨ güi ɨ iyapɨmbae oë rami. Ikavimbae jare jupimbae reño oyemongeta reta; aecha avei yombopere reta jare mbaerasɨ reta.

JEREMÍAS 8:22

¿Mbaetɨ ra mbae nunga moa yepe Galaad pe? ¿Mbaetɨ ra kia oporopoano vae joko pe? Jayave, ¿maera pa mbaetɨ okuera cherëtaɨgua reta?

LAMENTACIONES 2:13

¿Kia ndive pa romboyovaketa ani rombojaangata, Jerusalén? ¿Mbae re pa ambojaangata ndeve, rombopɨakatu vaerä tëta chembae vae Sión? Echa ɨguasu tuicha yae rami resusere; ¿kia pa ndembogüerata?

EZEQUIEL 22:30

Aeka tëi kia oñemoe kuae ɨvɨ re vae, oepɨ vaerä, oyerure vaerä cheve, agüɨye vaerä opa amboai, ërei mbaetɨ aväe chupe.

EZEQUIEL 30:21

“Nde kuimbae, Faraón mburuvicha guasu Egipto pegua güi, amopë iyɨva, jare mbaetɨ kia oipoano, mbaetɨ oyokua okuera vaerä, ipuere vaerä oipɨɨ ye kɨsepuku.

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

NAHUM 3:19

¡Mbaetɨ moa ndepere peguarä; ndepere okuerambae ko! Opaete vae oendu yave ndesusere oyepopete retata oyerovia güi, echa jeta ko oiporara reta ndereko ikavimbae.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.