JEREMÍAS 30:11 - Biblia Guarani Tumpa Iñee

¹¹ Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 30:11 ပူးပေါင်းရင်းမြစ်များ

2 SAMUEL 24:12

“Ekua nemiari David pe, ere chupe: YandeYa jei körai: ‘Mboapɨ mbae añonota ndeve, jare eiparavo chugüi metei che ayapo vaerä.’ ”

SALMOS 6:1

CheYa, agüɨye eñeengata cheve ndearasɨ reve, agüɨye chenupa ndearasɨ yae reve.

ÉXODO 34:7

Jeta ñemuña reta re iporoparareko vae, iñɨ̈ro ikavimbae iyapoa pe, ipɨarai vae pe, mbaeyoa iyapoa pe, ërei mbaetɨ oeya jekombae rami mbae pɨ̈chɨi iyapoa, echa ko iñemuñagüe reta imbaeyavɨ oiporarata taɨ reta, jɨmɨmino reta, jɨmɨmino taɨ reta jare jɨmɨmino reta jɨmɨmino.

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 8:10

Peyapo yemongeta, ërei opata oikomegua; peyemongeta oipotagüe mbae, ërei ngaraa oyeapo, echa Tumpa oime oï ore ndive.

JEREMÍAS 1:19

Jae reta oekata maratu ndeapo vaerä, ërei ngaraa nemoamɨri, echa che aïta nde ndive, roepɨ vaerä. Che ndeYa ko, jae kuae ndeve.”

JEREMÍAS 1:8

Agüɨye ekɨɨye kia reta güi, echa che aïta nde ndive roepɨ vaerä, che ndeYa ko, jae kuae ndeve.”

JEREMÍAS 10:24

Eiporarauka oreve oreYa Tumpa, reikuaa rupi kavi, agüɨye opaetei ndearasɨ eiporu oreré, echa oremokañɨteita ko.

JEREMÍAS 15:20

Che roñonota kuae tëta peguarä, tëta ikësea jëguambae vae jiero iyu vae pegua rami. Oñoraro retata nde ndive, ërei ngaraa nemoamɨri reta, echa che aï nde ndive roepɨ vaerä, jare rogüɨroasayepe vaerä. Che ndeYa jae kuaekuae.

JEREMÍAS 4:27

YandeYa jei: “Opaete ɨvɨ oyemboaita, ërei ngaraa opaetei amokañɨtei.

JEREMÍAS 5:10

¡Toike tovaicho reta chupe, jare topa tomboai reta, uvarupa tomboai reta, ërei agüɨye opaetei tomboai! ¡Jäka topa toakɨo reta, echa chembaeä ma ko!

JEREMÍAS 5:18

YandeYa jei: “Jókuae ara, ngaraa opaetei amokañɨtei Judá pegua reta.

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

EZEQUIEL 11:13

Chemiari aï ramboeve yandeYa jee re, Pelatías, Benaía taɨ omanoɨvɨ. Jayave ayetavatɨka chetindɨasɨ reve ɨvɨ re, jare asapúkai täta jae: “¡Atataɨ cheYa! ¿Opata pa remokañɨtei Israel pe jembɨregüe reta?”

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

OSEAS 11:9

Ngaraa ayapo chearasɨ jeia rupi: Ngaraa ave amboai Efraín, echa Tumpa ko che, kuimbaeä ko che. Pepɨte pe Ikɨambae ko che, ngaraa aike amboai tëta guasu.”

LEVÍTICO 26:44

Yepe tëi opaete kuae mbaembae reta oasa pe reta ndive, peiko ramboeve perovaicho reta iɨvɨ pe, che ngaraa pogüɨröɨro, ngaraa vi pogüɨromara jare pomokañɨtei, ngaraa amboai morogüɨrökuavee päve ayapo peñemuñagüe reta ndive vae, echa che ko peYa Tumpa.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Hechos 18:10

Echa che aï nde ndive, jare ngaraa kia ipuere oyapo ikavimbae vae ndeve. Echa oime jeta chembae vae reta kuae tëta guasu pe.”

DEUTERONOMIO 4:31

echa oporoparareko vae ko yandeYa Tumpa; ngaraa pereeya jare ngaraa pemboai, ngaraa vi ñakañɨ morogüɨrökuavee päve peñemuñagüe reta pe oyapo jee re vae güi.

2 Timoteo 4:22

YandeYa Jesucristo toï nde ndive. Tumpa ipɨakavi toï pe ndive. ¡Amén!