JEREMÍAS 30:10 - Biblia Guarani Tumpa Iñee

¹⁰ YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 30:10 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

ISAÍAS 14:3

Tëta Israel, yandeYa ndemombutuu opaete mbɨatɨtɨ reta güi, mbaembae reiporara vae güi, jare yeokuaiasɨ katu pe neñono reta vae güi yave,

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 43:5

Agüɨye ekɨɨye, echa oime ko aï nde ndive, kuaraɨ oëa kotɨ güi jare kuaraɨ oikea kotɨ güi aru yeta neñemuña reta.

ISAÍAS 44:1

YandeYa jei: “Eyeapɨsaka Israel, Jacob iñemuña reta, cherembiokuai, cherembiparavo.

ISAÍAS 44:2

NdeYa, ndeApoa ko che, che ko roapo, ndei rea mbove voi, che ko romborɨta. Agüɨye ekɨɨye, Jesurún, Jacob iñemuña reta, cherembiokuai, cherembiparavo,

ISAÍAS 46:11

Kuaraɨ oëa kotɨ güi aenɨi metei güɨraké rami vae, matɨ güi outa metei kuimbae aiparavo vae, outa oyapo ayemongeta ayapo vaerä vae. Jae vae, ayapota ko, ayemongeta ayapo vaerä vae, ambopota ko.

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 49:12

Mase, amogüe reta yogüeruta matɨ güi, amogüe reta yogüeruta ɨvɨtuguasu kotɨ güi, amogüe reta yogüeruta kuaraɨ oikea kotɨ güi, amogüe reta yogüeruta ɨvɨ Sinim jee vae kotɨ güi.

ISAÍAS 49:25

Ërei yandeYa jei körai: “Ipuere ko, sundaro jëia vae güi oñepɨ̈ro mbae ñeraroa güi güerugüe, ipuere ko, tembipɨɨ otekuarai mburuvicha jëia vae güi. Che tañemoë, oñeapo nderé vae reta kotɨ, che etei aroasayepeta nemembɨ reta.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 23:4

Jare maangarekoa reta añonota oyangareko vaerä jese reta; jare ngaraa ye ma oipoɨu jare okɨɨye reta, ngaraa etei ma vi okañɨ reta. Che ndeYa ko jae kuae.”

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 23:8

Jaeño jei retata: ‘YandeYa oikove avei vae jee re Israel iñemuña reta güɨnoe ɨvɨtuguasu kotɨgua ɨvɨ güi vae jare opaete ïru tëtaguasu reta rupi jae opa omoai moaia kotɨ güi vae.’ Jare yogüɨreko retata iɨvɨ ae pe.”

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

JEREMÍAS 30:3

echa oväeta ara, aru ye vaerä chembae vae reta Israel jare Judá pegua reta, tembipɨɨrä ñogüɨnoia güi. Aru yeta yogüɨreko vaerä ɨvɨ, che amee iñemuñagüe reta imbaerä vae pe.”

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 33:16

Jókuae ara rupi Judá oyeyorata jare Jerusalén oiko pɨagüiveta, jare ombojee retata: YandeYa ko jae jupi vae yandeveguarä vae.

EZEQUIEL 16:52

Nde reropɨata ko ñemomarai jare ñemomichi, echa oasa ete ndeyoa nderɨke jare ndepɨkɨɨ güi, ërei jae reta jupiñota opɨta. Nde reiporarata jókuae ñemomarai jare ñemomichi.

EZEQUIEL 38:11

Rereta: Taporepeña kuae ɨvɨ oyeepɨ rapembae vae re, oyeandumbae yogüɨreko vae reta re; opaete yogüɨreko jëta guasu ikëseambae pe jare jökembae pe.

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

OSEAS 2:20

Pogüɨrekota cheyeupe jupi rupi, jare chekuaata che ko jae peYa vae.

OSEAS 6:11

Jaeramiño vi pe Judá pegua reta peguarä, amokätɨro ma ara peiporara vaerä. Aru ye yave ïru ɨvɨ güi chembae vae reta,

JOEL 2:21

lvɨ agüɨye ekɨɨye; eyerovia yae, echa yandeYa oyapota mɨakañɨ tuichagüe.

MIQUEAS 4:9

Añave ¿maera pa neräse mbatee kuña imembɨrasɨ vae rami? ¿Mbaetɨ pa nderuvicha guasu? ¿Ndemboarakuaa vae reta opa pa omano?

ZACARÍAS 3:10

Jókuae ara metei ñavo pegüi reta opareata iñeïru pe okaru päve vaerä uva igüɨ pe jare ɨva igüɨ pe, jei yandeYa Imbaepuere yae ete vae.’ ”

San Juan 12:15

“Agüɨye pekɨɨye, Sión pegua reta. Mase, ko ou ma peRuvicha guasu. Opo ou mburika kuimbae taɨrusu vae re, mburika mii imembɨ re.”