JEREMÍAS 3:23 - Biblia Guarani Tumpa Iñee

²³ Mbaetɨ etei mbaerä osirive oreve rosapúkai ɨvɨtɨ re vae; jaeño nde oreYa Tumpa re roväe yemborɨ.

JEREMÍAS 3:23 ပူးပေါင်းရင်းမြစ်များ

SALMOS 3:8

Nde cheYa reporogüɨroasayepe vae ko; ¡ndeporerekua ndembae vae reta re!

SALMOS 62:7

Tumpa re oï cheyereroasayepe jare cheyemboetea, jae ko ita guasu cheñepɨ̈roa jëguambae jare cheñemía ikavigüe.

PROVERBIOS 21:31

Kavayu oyemboyupavo ñeraro iara peguarä; ërei yandeYa ko omee kia oporomoamɨri vaerä.

ISAÍAS 10:20

Jókuae ara rupi, Israel pegua reta oasayepegüe, Jacob iñemuña pegua reta oasayepegüe, ngaraa ye ma oyeko reta imoamɨría re, ërei ngatu oyeko retata añetete pegua yandeYa re, Iyoambae Israel pegua re.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 43:11

Che ko peYa, mbaetɨ yé ko oime chegüi ïru ipuere oporoepɨ vae.”

ISAÍAS 44:9

Tumpa-raanga iyapoa reta, mbaeä etei ko opaete, jare chupe reta ikavi yae vae, mbaeä etei ko. Jae reta oikuaa kavi ko, jókuae tumpa-raanga reta mbaetɨ omae jare mbaetɨ yarakuaa; jáeramo imarata ko opɨta reta kuri.

ISAÍAS 45:15

Añetete, nde ko jae Tumpa oyeechambae, Israel iTumpa, oporoepɨ vae.

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

JEREMÍAS 14:8

Tumpa, Israel iyeroviaka, yavai vae güi orereepɨ avei vae, ¿maera pa oguataiño vaeecha reyeapo kuae tëtaguasu pe, oguataiño vae opɨta metei pɨ̈tu peguaño vae rami?

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

JEREMÍAS 3:6

Josías mburuvicha guasurä oiko yave, yandeYa jei cheve: “¿Reecha pa ipɨapochɨ vae Israel oyapogüe? Jae ojo jare oñemee oyapo vaerä aguasa, opaete ɨvɨtɨ reta rupi jare ɨvɨra iküaraɨa kavi vae igüɨ rupi.

JEREMÍAS 31:7

YandeYa jei: “Petairari vɨakatu jare yerovia katu pegua tairari Jacob iñemuña reta re, echa jae reta ko tenondegua opaete tëtaguasu reta güi vae. Peenduka pembaemboete, pere: ‘YandeYa oepɨ imbae vae reta, Israel güi jembɨregüe.’

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

San Juan 4:22

Pe reta pembaemboete yave, mbaetɨ peikuaa kia ko pemboete vae. Ore rombaemboete yave, roikuaa kavi ko kia romboete vae. Echa ore judío reta rupi Tumpa oporomboasata.