JEREMÍAS 3:2 - Biblia Guarani Tumpa Iñee

² Emae ɨvɨtɨ reta iyapɨte re: ¿Kia nunga re ra mbaetɨ reyapo aguasa? Tape jembeɨ pe reguapɨse reäro reta, Arabiaɨgua reta oporoäro ñuu pe rami, remongɨa tëtaguasu ndeaguasa pota vae rupi, jare ikavimbae reyapo vae rupi.

JEREMÍAS 3:2 ပူးပေါင်းရင်းမြစ်များ

GÉNESIS 38:14

omboi jemimonde mbɨatɨtɨ pegua, jare oñeäka-soi äka-soya pe jare oñeapeva pɨpe, jare ojo tëta Enaim jöke pe oguapɨ, tape Timnat kotɨ ojo vae rupi oï vae pe, kuae oyapo oecha okuakuaa ma Sela jare mbaetɨño omomenda jae ndive.

1 REYES 11:3

Güɨnoi seteciento jembireko ete jare tresciento kuña güɨrekoiño vae, kuae reta güɨrokomegua ipɨa chugüi.

2 REYES 23:13

Jaeramiño vi mburuvicha guasu güɨröɨro güi omboai mbaemboete renda ɨvɨtɨ rupigua Jerusalén jóvai oï vae, ɨvɨtɨ Olivo güi arayevɨ kotɨ, kuae reta jae ko Salomón mburuvicha guasu Jerusalén pegua omopüa Astoret peguarä vae, Sidón-ɨgua reta itumpa kuña ikavimbae yae vae; Quemos peguarä, Moab pegua reta itumpa-raanga ikavimbae yae vae, jare Milcom, Amón iñemuña reta itumpa-raanga ikavimbae yae vae.

SALMOS 106:38

Opɨyere reta jekombae jugüɨ; taɨ reta jare tayɨ reta jugüɨ, omee reta mbotarä tumpa-raanga Canaán pegua pe. Omongɨa reta jókuae ɨvɨ, jókuae tugüɨ pe,

PROVERBIOS 23:28

oporopïaro ko imonda vae rami, jare jeta kuimbae reta omokañɨteiuka.

PROVERBIOS 7:11

metei kuña tekorai iyapoa, jekoasɨ vae, oïmbae jo pe vae.

JEREMÍAS 12:12

Opaete ñuu ɨvate vatea rupi yogüeru oporomboai vae reta, echa che peYa, kɨsepuku anoi omboai vaerä kuae ɨvɨ jembeɨ güive ïru jembeɨ pe, ngaraa oime mbɨakatu metei vae pe ave.

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 2:23

¿Kërai pa ndepuere rere: ‘Mbaetɨ ko chekɨa Tumpa jóvai, mbaetɨ vi amboete tumpa-raanga Baal reta’? Emae kërai ndereko ɨvɨpe kavi pe vae re, emae opaete mbae kërai reyapogüe re. Nde ko, camello kuña taɨrusu vae rami, resɨi oipota rupi vae;

JEREMÍAS 2:7

Che ko pogüeru kuae ɨvɨ kavi pe, mbaagüɨye reta peu vaerä chugüi jare mbaembae ia ikavi vae. Ërei peike jare perokomegua kuae cheɨvɨ, pemongɨa jare chemboyuguaruuka kuae ɨvɨ chembae güi.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 3:21

Oyeendu sapúkai ɨvɨtɨ re. ¡Jae ko Israel iñemuña reta, oyaeo reta oiporu mboroparareko! Opia reta tape sɨmbi vae güi, jare iñakañɨ reta, che iYa iTumpa güi.

JEREMÍAS 3:9

Jare jókuae mbaeä etei chupe oyapo vae rupi güɨrokomegua kuae tëtaguasu. Yogüɨreko jupimbae cheróvai, omboete ita reta jare ɨvɨra reta.

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

EZEQUIEL 16:16

Nderemimonde reta pe reyapo o mbaemboetea reta ɨvɨtɨ rupi, jare reiko aguasa pe joko pe. Mbaetɨi kuae nunga oyeapo, jare ngaraa ye oyeapo jókuae nunga.

EZEQUIEL 20:28

Che aru reta jókuae ɨvɨ arökuavee amee vaerä chupe retaa pe, jare oecha reta ramboeve ɨvɨtɨ ɨvate vae jare ɨvɨra iküaraɨa kavi vae yave, joko pe omee reta mɨmba oyeyukagüe, jare mbota reta, pɨpe chemboarasɨ reta, joko pe omee vi ikäti kavi vae incienso jare mbota vino oyepɨyere vaerä oñemee vae.

OSEAS 2:5

Iyaguasa pota oyeapo ichɨ; mbaetɨ oyemboeteuka jei yave: ‘Taja taeka cheaguasa reta; tembíu jare ɨ, vecharaagüe jare lino, olivo iasaite jare kägüi omee cheve vae reta.’

San Lucas 16:23

Jare omanogüe reta ñogüɨnoia pe kuimbae oikokatuse vae oiporara yae oï. Jayave oupi iñäka jare oecha Abraham mombɨrɨ oï chugüi. Oecha vi Lázaro oï Abraham ndive.

DEUTERONOMIO 12:2

Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.