JEREMÍAS 3:16 - Biblia Guarani Tumpa Iñee

¹⁶ Javoi jeta yae ma peñemuña perëtaguasu pe yave, ngaraa ma kia oyemoambeko käjou morogüɨrökuavee päve pegua yandeYa imbae re, kia ave ngaraa ma imaendúa jese, ngaraa ma vi oata, ngaraa vi ipɨau oyeapo. Che peYa, jae ndeve körai.

JEREMÍAS 3:16 ပူးပေါင်းရင်းမြစ်များ

ISAÍAS 60:22

Kuae mbovɨ yae vae, oyembojeta yaeta; kuae tëta michi yae vae, tëtaguasu tuicha yae vaerä ko. Che ndeYa, ameeta oyembopo vaerä jarembae, iara pe kavi.”

ISAÍAS 61:4

Oñemopüa pɨau yeta arakae ma oyemboaigüe reta, ɨma yae ma o reta opa oyemboai vae oñemopüata, tëta guasu oyemboai vae oyeapo kavita.

ISAÍAS 65:17

“Echa ko che ayapota ara ipɨau jare ɨvɨ ipɨau; tenondegua re ngaraa ye ma kia imaendúa jese.

JEREMÍAS 3:17

Jayave, Jerusalén oyembojeeta kuri yandeYa Iporookuaía; opaete tëtaguasu reta oyemboatɨta joko pe chemboete vaerä, ngaraa ma ipɨapochɨ rupi yogüɨreko ye.

JEREMÍAS 30:19

Chugüi reta oëta tairari yasoropai pegua, jare yerovia katu pegua mbuka reta. Ngaraa iñemuña reta jagüe, echa che amoñemuñaukata. Ngaraa oñereröɨrouka reta, echa che amboeteukata.

JEREMÍAS 31:27

YandeYa jei: “Mase, oväeta ara amoñemuña vaerä jeta Israel pegua reta jare Judá pegua reta jare jeta mɨmba reta.

JEREMÍAS 31:8

Aru reta yeta tëtaguasu ɨvɨtuguasu kotɨgua güi, jare opata amboatɨ ɨvɨ iyapɨ kotɨ güi. Yogüeruta jae reta ndive jesambae reta jare iköcho vae reta, kuña reta ipurúa vae jare imembɨ oa ma vae. ¡Jeta yeyé yogüeruta jupíe reta!

JEREMÍAS 7:4

Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

EZEQUIEL 15:5

Ndei ókai mbove mbaetɨ mbaerä ikavi. ¡Vɨtei pa añave opa ma ókai güire, mbaetɨ ikavi mbaerä!

EZEQUIEL 37:26

Jare morogüɨrökuavee päve yembopɨakatu pegua ayapota jae reta ndive, morogüɨrökuavee päve jekuae avei pegua. Añono kavita, ambojeta retata jare añonota chero mbaemboetea pegua ipɨte reta pe jekuae avei pegua.

AMÓS 9:9

Echa che opata amoai moai Israel iñemuña reta, opaete vae tëtaguasu ipɨte rupi, trigo jäɨ oyembogua ürupe pe yave mbaetɨ oa jäɨ ɨvɨ pe rami.

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

San Mateo 1:11

Jare Josías taɨ jae Jeconías jare tɨvɨ reta. Jókuae ara rupi ɨvɨ Babilonia pegua reta opa güɨraja tembipɨɨrä Israel pegua reta Babilonia pe.

San Mateo 3:9

Jare agüɨye pere peyeupe: ‘Ñaneñemuñagüe jae ko Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.