JEREMÍAS 3:13 - Biblia Guarani Tumpa Iñee

¹³ Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 3:13 ပူးပေါင်းရင်းမြစ်များ

NEHEMÍAS 9:2

jare opaete Israel iñemuña reta oyembosɨrɨ ma yepe ketɨgua reta güi; jare oyemboɨ reve oyemombeu reta iyoa reta re jare iñemuñagüe reta iyoa re vi.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

JEREMÍAS 14:10

Körai jei yandeYa Israel kotɨ: “Kuae tëta oguata reteiño oipota rupi. Jáeramo mbaetɨ chepɨakatu amae jese. Añave chemaenduata iyoa reta re jare aiporaraukata chupe reta.”

JEREMÍAS 14:20

CheYa, mbaetɨ roikuaku oreyoa, jare oreñemuñagüe reta iyoa; oreyoa ko ndekotɨ.

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 2:25

¡Israel, agüɨye ndepɨgüɨrai reve esɨi, agüɨye ndeaseo totini ndeɨuve güi! Ërei rere: ‘¡Ngaraa!, aaɨu ko ketɨgua reta, ajata ko jupíe.’

JEREMÍAS 3:2

Emae ɨvɨtɨ reta iyapɨte re: ¿Kia nunga re ra mbaetɨ reyapo aguasa? Tape jembeɨ pe reguapɨse reäro reta, Arabiaɨgua reta oporoäro ñuu pe rami, remongɨa tëtaguasu ndeaguasa pota vae rupi, jare ikavimbae reyapo vae rupi.

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 3:6

Josías mburuvicha guasurä oiko yave, yandeYa jei cheve: “¿Reecha pa ipɨapochɨ vae Israel oyapogüe? Jae ojo jare oñemee oyapo vaerä aguasa, opaete ɨvɨtɨ reta rupi jare ɨvɨra iküaraɨa kavi vae igüɨ rupi.

JEREMÍAS 7:24

Ërei ngatu mbaetɨ oendu reta, jare mbaetɨ oyapo reta che jae vae, jaeño oyembopɨa täta yae reve yogüɨreko ipɨa jemimbota rupiño. Oyerova vaerägüe chekotɨ, ikupeño omee reta cheve.

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

EZEQUIEL 16:15

Ërei reyerovia ndeyé nepöra jeko pegua, jare nerërakua yae vae reipoepɨ ndembokere vaerä, reñemee opaete oasa jokoropi vae pe.

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

DEUTERONOMIO 12:2

Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.