JEREMÍAS 29:8 - Biblia Guarani Tumpa Iñee

⁸ Che peYa Imbaepuere yae ete vae Israel iTumpa, amombeu peve kuae: Agüɨye peyembotavɨuka ñeemombeúa reta ani maratuta vae imombeúa reta pepɨte pe yogüɨreko vae pe; agüɨye peyapo jae reta ipaɨu omombeugüe.

JEREMÍAS 29:8 ပူးပေါင်းရင်းမြစ်များ

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 23:16

YandeYa Imbaepuere yae ete vae jei: “Israel iñemuña reta, agüɨye peyapo ñeemombeúa reta omoërakua peve vae. Omombeu peve vae apu ko, iyeugüi aeño ko jei reta, che mbaetɨ ko jae chupe reta.

JEREMÍAS 23:21

“Che mbaetɨ ko ayókuai jókuae ñeemombeúa reta, ërei jae reta yogüɨrajaño; kërai ave mbaetɨ chemiari chupe reta, ërei jae reta omoërakua mbae maratuta vae.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 23:27

¿Oyemongeta reta ra, jókuae ipaɨu reta re imiari oyoupe vae rupi omombiata chegüi chembae vae reta, iñemuñagüe reta ñakañɨ chegüi jare omboete reta Baal rami?

JEREMÍAS 27:9

Ërei ngatu pe reta agüɨye perovia jókuae ñeemombeúa reta jeigüe re, ani maratuta vae imombeúa re, ani mbaɨu re omombeu vae, ani susere re omombeu vae, ani imbaekuaa vae reta oporomboe jei reve, ngaraa peyeokuai mburuvicha guasu Babilonia pegua pe.

JEREMÍAS 28:15

Jayave ñeemombeúa Jeremías jei ñeemombeúa Hananías pe: —¡Eyeapɨsaka, Hananías! YandeYa mbaetɨ tëi ndembou, ërei nde rembotavɨ kuae tëta, reroviauka chupe reta añetembae.

JEREMÍAS 29:1

Kuae ko jae tupapire pe ñee reta oyekuatía oï vae, ñeemombeúa Jeremías omondo Jerusalén güi tenondegua reta opa oyereraja vae güi oimeño vae reta pe, sacerdote reta, ñeemombeúa reta jare opaete vae reta, Nabucodonosor güɨraja tembipɨɨrä Jerusalén güi Babilonia kotɨ vae reta pe.

JEREMÍAS 29:15

Ërei pe reta pere: ‘YandeYa omee yandeve ñeemombeúa reta kuae Babilonia pe.’

JEREMÍAS 29:21

YandeYa Imbaepuere yae ete vae, Israel iTumpa jei Acab, Colaías taɨ regua, jare Sedequías, Maasías taɨ regua, kërai jae reta omombeu peve añetembae yandeYa jee re. YandeYa jei körai: ‘Ameeta oa reta vaerä Nabucodonosor, mburuvicha guasu Babilonia pegua ipo pe, jare jae oyuka retata perovakei.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 37:9

Che, peYa amombeu peve: Agüɨye peyombotavɨ pe aeño jare pere: ‘Caldeaɨgua reta jaema ko opa yogüɨraja yandegüi.’ Echa mbaetɨta ko jökorai.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

EZEQUIEL 13:6

Oecha reta añetembae, jare mbaekuaa rupi mbae maratuta vae re omoërakua vae reta ramiño ko. Jei reta: ‘Körai jei yandeYa.’ Ërei che mbaetɨ ko ayókuai reta. ¡Jare güɨrovia tëi iñee reta oyembopo vaerä!

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

ZACARÍAS 13:4

Jókuae ara imarata opaete ñeemombeúa reta imiari oechagüe re, metei ave mbaetɨta ma omonde mbae ipiregüe javuku vae, iyapu vaerä.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

San Lucas 6:26

¡Paravete, pe reta opaete vae jei ikavi vae pekotɨ yave! Echa jökorai ko iñemuñagüe reta oyapo yepi ñeemombeúa raanga reta pe.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

2 Tesalonicenses 2:3

Ërei agüɨye pemaeño kia re kërai ave yepe tapembotavɨ. Echa jókuae ara, ngaraa ou ndei ou mbove yembopɨapochɨ Tumpa kotɨ vae iara, jare kuimbae mbaeyoa pegua oyekuaata vae, okañɨteita vae.

2 Timoteo 3:13

ërei ikavimbae vae iyapoa reta jare oporombotavɨ vae reta, jeieteta ikavimbae oyapo. Jae reta oporombotavɨta jare oyembotavɨukata vi.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.