JEREMÍAS 29:7 - Biblia Guarani Tumpa Iñee

⁷ Peiko kavi jókuae tëta guasu pogüɨrajauka pɨpea pe, jare peyerure cheve jese, echa ikavi oiko yave, pe reta peiko kavita vi.

JEREMÍAS 29:7 ပူးပေါင်းရင်းမြစ်များ

ESDRAS 6:10

omee reta vaerä mɨmba oyeyukagüe, Tumpa ara pe oï omboyerovia vaerä, jare oyerure reta vaerä mburuvicha guasu re jare taɨ reta re.

ESDRAS 7:23

Opaete mbae oiporu Tumpa ara pe oï vae jo peguarä vae toñemee voi chupe, agüɨye vaerä Tumpa iyarasɨ ou mburuvicha guasu iporookuaía re jare taɨ reta kotɨ.

SALMOS 122:6

Peyerure, oime vaerä mbɨakatu Jerusalén pe, ¡toyogüɨreko kavi nderaɨu vae reta!

JEREMÍAS 38:4

Jayave mburuvicha reta jei juvicha guasu pe: —Yayuka añave kuae kuimbae; echa kuae iñee rupi omoäteɨ kuimbae ñeraro regua reta, kuae tëta guasu pe opɨtaño vae jare opaete kuae pegua reta, jei ramboeve chupe reta kuae ñee; echa kuae kuimbae mbaetɨ oeka mbɨakatu kuae tëta guasu peguarä, jaeño oeka ikavimbae.

EZEQUIEL 11:16

Jáeramo ere chupe reta: ‘Körai jei yandeYa Tumpa: Che opa anoe amombo jare opa amoai moai reta mombɨrɨ ïru tëtaguasu reta oikuaambaea rupi, ërei jeseve che etei aikota chupe reta omboete reta vaerä, ïru ɨvɨ pe yogüɨreko ramboeve.’

DANIEL 4:19

Jayave Daniel, Beltsasar pe ombojee reta vae, ipɨakañɨ yae opɨta metei ora seri rupi, jare yemongeta reta ou chupe vae ombopɨatɨtɨ yae. Jare mburuvicha guasu jei chupe: ‘Beltsasar agüɨye tandembopɨajopa kuae mbaɨu jare mbae ko oipota jei vae.’ Beltsasar jei: ‘¡Cheruvicha guasu, kuae repaɨu vae toiko nderovaicho reta kotɨ, jare mbae ko oipota jei vae, toyembopo ikavimbae oipota ndeve vae reta kotɨ!

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

Romanos 13:1

Opaete vae toiko mburuvicha reta jeia re. Echa Tumpa etei ko oñono mburuvicha reta; jare oime oï vae jae oñonogüe ko.

Romanos 13:5

Jáeramo, peiko tai mburuvicha reta jeia re, agüɨye peyapo oiporaraukata peve güiño, jaeño jupi ko pepɨa pe peyapo vaerä vae ramo.