JEREMÍAS 29:11 - Biblia Guarani Tumpa Iñee

¹¹ Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 29:11 ပူးပေါင်းရင်းမြစ်များ

JOB 23:13

Ërei jae jei yave mbae oyapo vaerä, oyapo, ngaraa kia oipoepɨ iyemongeta.

SALMOS 33:11

ërei yandeYa iyemongeta, oikota jekuae avei.

SALMOS 40:5

CheYa Tumpa, jeta yae ko mɨakañɨ reta reyapogüe jare ndeyemongeta reta orekotɨ. ¡Oyepapa rapeä nderóvai! Yepe tëi amoërakua jare chemiari jese reta, ngaraa opa amoërakua.

SALMOS 85:9

Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

ISAÍAS 27:4

Mbaetɨ chearasɨ aï ikotɨ, oime yave ñurati jare ñana pɨpe, opata ko aekɨ, jare opaeteita ko aapɨ.

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 24:5

“Che ndeYa, Israel iTumpa, jae: Judá re amaeta ɨva ikavi yae vae rami, jókuae amee opa oyererajauka Caldeaɨgua reta iɨvɨ pe vae reta. Aipararekota amae jese reta.

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 30:9

Oyeokuai retata che iYa, Tumpa pe, jare David iñemuña amopüata juvicha guasurä vae pe.”

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

LAMENTACIONES 3:26

Ikavi ko kïriiño ñaäro yandeYa iporogüɨroasayepe.

EZEQUIEL 11:16

Jáeramo ere chupe reta: ‘Körai jei yandeYa Tumpa: Che opa anoe amombo jare opa amoai moai reta mombɨrɨ ïru tëtaguasu reta oikuaambaea rupi, ërei jeseve che etei aikota chupe reta omboete reta vaerä, ïru ɨvɨ pe yogüɨreko ramboeve.’

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

MIQUEAS 4:12

Ërei jókuae tëtaguasu reta mbaetɨ oikuaa, yandeYa iyemongeta, iporomboarakuaa ave mbaetɨ oikuaa reta; kuae jeko pegua omboatɨta trigo oyembopiriría pe oï rami.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”