JEREMÍAS 29:10 - Biblia Guarani Tumpa Iñee

¹⁰ “YandeYa jei körai: ‘Babilonia imbaepuere iyapɨ ma yave setenta añoa pe, che ayuta pomborɨ, ambopo vaerä cheñee, pomboyerova ye vaerä kuae ɨvɨ pe.

JEREMÍAS 29:10 ပူးပေါင်းရင်းမြစ်များ

2 CRÓNICAS 36:21

oyembopo vaerä Tumpa jeigüe iñeemombeúa Jeremías rupi vae. Jökorai jókuae ɨvɨ oputuu kavi; echa oputuu opaete ara ipombae oiko ramboeve setenta año oupitɨ regua.

2 CRÓNICAS 36:22

Jare tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae, yandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, kuae mborookuai:

ESDRAS 1:1

Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ESDRAS 1:2

“Ciro mburuvicha guasu Persia pegua jei körai: ‘PeYa Tumpa ara pe oï vae omee chepo pe opaete mborookuaía reta ɨvɨ pegua, jare cheokuai amopüa vaerä chupe tupao Jerusalén pe, ɨvɨ Judá pe.

SALMOS 102:14

Nderembiokuai reta oaɨu omae jëtagüe ita reta re, ¡ipɨatɨtɨ omae reta jëtagüe opa oyemboai vae re!

JEREMÍAS 25:11

Opaeteita kuae tëtaguasu oyemboai; jare opɨtata tëtagüerä. Setenta año rupi kuae tëtaguasu reta yogüɨrekota mburuvicha guasu Babilonia pegua ipo pe.

JEREMÍAS 25:12

Jare oupitɨ ma setenta año yave, aiporaraukata mburuvicha guasu Babilonia pegua pe jare opaete jókuae tëtaguasu pe, iyoa jeko pegua; jae ko Caldeaɨgua reta iɨvɨ; amboaita jekuae avei pegua. Che ndeYa ko jae kuae.

JEREMÍAS 27:22

‘Güɨraja retata Babilonia pe, jare joko pe opɨtata che aru ye regua kuae ɨvɨ pe. Che ndeYa ko jae kuae.’ ”

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 29:28

Ombou yeti oreve tupapire Babilonia pe, jei: Ɨma yaeta ko peiko tembipɨɨ peyereraja vae; pemopüa perorä jare peiko pɨpe, peñotɨ ɨvɨra reta ia vae jare peu ia.’ ”

JEREMÍAS 29:32

jáeramo che, peYa jae, aiporaraukata Semaías pe jare iñemuña reta pe. Ngaraa oime iñemuña reta chembae vae reta ipɨte pe, ngaraa oecha mbae ikavigüe ayapota chembae vae reta pe vae, echa iñee rupi oporombopɨapochɨuka chekotɨ. Che peYa jae kuae.”

JEREMÍAS 30:3

echa oväeta ara, aru ye vaerä chembae vae reta Israel jare Judá pegua reta, tembipɨɨrä ñogüɨnoia güi. Aru yeta yogüɨreko vaerä ɨvɨ, che amee iñemuñagüe reta imbaerä vae pe.”

JEREMÍAS 33:14

YandeYa jei: “Mase, oväeta ara, che ambopo vaerä cheñererökuavee Israel pegua reta pe jare Judá pegua reta pe vae.

EZEQUIEL 11:17

Jáeramo ere chupe reta: ‘Körai jei yandeYa Tumpa: Che ko aru ye retata ïru ɨvɨ güi, jare amboatɨ reta yeta opaete ïru tëtaguasu reta rupi amoai moaia güi, jare ameeta chupe reta ɨvɨ Israel.

DANIEL 9:2

Tenondegua añoa re oiko mburuvicha guasurä yave, che, Daniel, ayemboe mbegüe pe kavi Jeremías jembikuatía re, kërai setenta año rupi Jerusalén oyemboai oiko, yandeYa jei iñeemombeúa Jeremías pe rami.

SOFONÍAS 2:7

Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.

ZACARÍAS 1:12

Jayave yandeYa iaraɨgua jei: “CheYa Imbaepuere yae ete vae, ¿kërai yave regua pa mbaetɨ reiparareko Jerusalén vae oikota, jare Judá pegua tëta reta, kuae re setenta año ma ndearasɨ reiko?”

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

RUT 1:6

Jayave oyemongeta oyerova ye vaerä imembɨtatɨgüe reta ndive ɨvɨ Moab güi; echa jërakua chupe, Tumpa iporomborɨ rupi oime ye ma tembíu jókuae jëtagüe pe.