JEREMÍAS 27:9 - Biblia Guarani Tumpa Iñee

⁹ Ërei ngatu pe reta agüɨye perovia jókuae ñeemombeúa reta jeigüe re, ani maratuta vae imombeúa re, ani mbaɨu re omombeu vae, ani susere re omombeu vae, ani imbaekuaa vae reta oporomboe jei reve, ngaraa peyeokuai mburuvicha guasu Babilonia pegua pe.

JEREMÍAS 27:9 ပူးပေါင်းရင်းမြစ်များ

ÉXODO 22:18

Kuña imbaekuaa vae agüɨye pemaeño toikove.

ÉXODO 7:11

Jayave Faraón oenɨi vi imbaekuaa vae reta jare ichoropa vae reta, kuae reta oyapo vi jökorai etei imbaekuaa rupi,

PROVERBIOS 19:27

Cheraɨ, mbaetɨ reyeapɨsaka mboromboe re yave, reyembosɨrɨ ko yemboarakuaa ikavigüe güi.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 23:16

YandeYa Imbaepuere yae ete vae jei: “Israel iñemuña reta, agüɨye peyapo ñeemombeúa reta omoërakua peve vae. Omombeu peve vae apu ko, iyeugüi aeño ko jei reta, che mbaetɨ ko jae chupe reta.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 23:32

Che ayovaicho jókuae ñeemombeúa reta omombeu ipaɨu añetembae vae reta kotɨ; iñee ngatu jare iñee-yukɨ rupi oyavɨuka chembae vae reta pe. Che mbaetɨ ko ambou, mbaetɨ vi ayókuai, jayave jókuae reta mbaetɨ etei ko ipuere omborɨ opaete vae reta. Che ndeYa ko jae kuae.

JEREMÍAS 29:8

Che peYa Imbaepuere yae ete vae Israel iTumpa, amombeu peve kuae: Agüɨye peyembotavɨuka ñeemombeúa reta ani maratuta vae imombeúa reta pepɨte pe yogüɨreko vae pe; agüɨye peyapo jae reta ipaɨu omombeugüe.

EZEQUIEL 21:29

Omoërakua ndeve vae añetembae ko, imbaekuaa vae maratuta vae re omombeu ramiño ko, apu ko. Kɨsepuku pe opata oñeaseokɨ̈ti jókuae oporoyuka vae reta. Köiño ma ou ara oiporara reta vaerä.

DANIEL 4:7

Jare yogüeru ichoropa vae reta, yasɨtata re oyemboe vae reta, Caldeaɨgua reta jare maratuta vae imombeúa reta, jare amombeu chepaɨu chupe reta, ërei ngatu mbaetɨ ipuere oikuaauka reta cheve mbae ko oipota jei vae.

MIQUEAS 3:7

Jókuae ñeemombeúa reta imarata opɨta, maratuta vae imombeúa reta jopata; jare opaete kuae reta kïriita opɨta, echa Tumpa mbaetɨ omboyevɨ ñee chupe reta.

ZACARÍAS 10:2

Echa tumpa-raanga reta iñee mbaetɨ ko añetete, jare maratuta vae imombeúa reta oecha apu, ipaɨu re imiari jare oporombopɨakatu jaanga; jáeramo tëta, vecha oikoiño vae rami, oiporara, echa mbaetɨ iyangarekoa.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

Hechos 8:11

Jáeramo opaete vae oyeapɨsaka kavi jese. Echa jae ichoropa rupi ɨma ma ombotavɨ güɨreko reta.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

DEUTERONOMIO 13:2

jare jókuae omoërakua peve maratuta vae ani mɨakañɨ vae oyembopo yave, jare jei yave peve: ‘¡Peyu yaja ñamee mbaemboete ïru tumpa reta pe, pe mbaetɨ peikuaa vae pe!’

DEUTERONOMIO 18:14

Echa kuae tëtaguasu reta pepɨ̈rota pembaerä vae pe yogüɨreko vae, güɨrovia katu oporombosuerte vae re, jare maratuta vae imombeúa re, ërei pegüi oyopia yandeYa Tumpa kuaekuae reta.

JOSUÉ 13:22

Israel iñemuña reta oyuka vi jeta vae reta ndive Balaam, Beor taɨ, maratuta vae imombeúa.

Apocalipsis 18:23

Jaeramiño vi ngaraa ye ma jendɨ ndepɨpe mechero, ani kia omenda vae iarete. Echa omaemee yepi joko pe vae reta tuichagüe reta yepi, echa ndepaye reta rupi rembotavɨ opaete tëtaguasu reta.”

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.

Apocalipsis 9:21

jare mbaetɨ oyepoepɨ reta oporoyuka vae güi, mbaekuaa güi, aguasa ani imonda reta güi.