JEREMÍAS 27:19 - Biblia Guarani Tumpa Iñee

^19-21 Mburuvicha guasu Nabucodonosor güɨraja yave Babilonia kotɨ Jerusalén güi Jeconías, Joacim taɨ, jae ko Judá pegua mburuvicha guasu, güɨraja vi opaete iyɨvɨrigua mburuvicha reta Judá pegua jare Jerusalén pegua ndive, ërei mbaetɨ güɨraja okɨta reta, ɨrɨru guasu, iguapɨka reta jare tembiporu reta oimeño opɨta tupao pe vae. YandeYa Imbaepuere yae ete vae, Israel iTumpa jei kuae tembiporu reta regua, opɨtaño tupao pe vae, jare mburuvicha guasu Judá pegua jo pe vae, jare Jerusalén pe vae re:

JEREMÍAS 27:19 ပူးပေါင်းရင်းမြစ်များ

1 REYES 7:23

Hiram oyapo vi ɨrɨru tuichagüe jiero iyu vae oyemondɨkuigüe pegua. Yapúa kavi jembeɨ oyere, jembeɨ güi ïru jembeɨ pe güɨnoi irundɨ metro y medio ipɨgüe. Ɨvategüe güɨnoi mókoi metro jare veinticinco centímetro, jare ikúa oyere oñejäa vae güɨnoi trece metro y medio.

1 REYES 7:27

Oyapo vi payandepo guapɨka jiero iyu vae pegua, metei ñavo güɨnoi metei metro jare ochenta centímetro pukugüe jare ipɨgüe, ɨvategüe güɨnoi metei metro jare treinta y cinco centímetro.

2 REYES 25:13

Sundaro Caldeaɨgua reta oyasɨa yandeYa jo pe okɨta jiero iyu vae pegua, jare ɨrɨru iguapɨka reta, jare ɨrɨru jiero iyu vae pegua yandeYa jo pe oï vae, jare opa güɨraja reta Babilonia kotɨ.

2 REYES 25:17

Metei okɨta guasu ñavo güɨnoi juri metro ɨvategüe, jare iyapɨte re güɨnoi okɨta iyapɨte regua omopöra vae jiero iyu vae pegua, mókoi metro oasa yé ɨvategüe, jókuae okɨta iyapɨte regua omopöra vae oñeova oñeope jiero iyu vae pegua pe, jare oñemopöra granada iä pe; jökorai mókoi reve jókuae okɨta guasu reta.

2 CRÓNICAS 36:18

Jaeramiño vi tembiporu Tumpa jo pegua, tuicha vae ani michi vae, jare tupao pe mbaembae oñeñovatu vae jare mburuvicha guasu imbae jare iyɨvɨrigua reta imbae, opaetei güɨraja Caldeaɨgua reta juvicha guasu Babilonia pe.

LAMENTACIONES 1:10

Tovaicho reta oyemombae opaete Jerusalén pegua mbaembae jepɨ vae re. Jerusalén oecha ketɨgua reta oike o mbaemboetea pe vae, ¡reporookuai tëi agüɨye vaerä ketɨgua reta oike pɨpe vae pe!

DANIEL 1:2

Jare yandeYa omee ipo pe, Joacim mburuvicha guasu Judá pegua, jare jeta tembiporu reta Tumpa jo pegua; jare güeru ɨvɨ Sinar pe, itumpa jo pe, jare oñono tembiporu reta, mbaembae jepɨ yae vae oñeñovatúa pe, itumpa jo pe.