JEREMÍAS 27:15 - Biblia Guarani Tumpa Iñee

¹⁵ YandeYa jei jae mbaetɨ ko ombou reta; omoërakuaiño ma yandeYa jee re. Jare jökorai yandeYa opata pemoai moai jare opata pemano, jökoraiño vi jókuae ñeemombeúa reta omoërakua kuaekuae vae.”

JEREMÍAS 27:15 ပူးပေါင်းရင်းမြစ်များ

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 20:6

Jare nde, Pasur, reyererajaukata Babilonia pe, opaete ndero pegua reta ndive. Joko pe remanota, joko pe vi neñotɨ retata opaete ndevɨa-ïru reta ndive, jókuae ndeapu reve remoërakua mbae maratuta vae re chupe vae reta.’ ”

JEREMÍAS 23:15

Jáeramo che, peYa Imbaepuere yae ete vae, jae körai kuae ñeemombeúa reta kotɨ: Ameeta jou reta mbae iro yae vae, jare ameeta oɨu reta ɨ oyemombayachigüe re, echa ñeemombeúa Jerusalén pegua reta güi, ikavimbae oñemoai opaete kuae tëtaguasu rupi.”

JEREMÍAS 23:21

“Che mbaetɨ ko ayókuai jókuae ñeemombeúa reta, ërei jae reta yogüɨrajaño; kërai ave mbaetɨ chemiari chupe reta, ërei jae reta omoërakua mbae maratuta vae.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 27:10

Opaete jókuae jei reta peve vae pembotavɨ ko; che opata ko pogüɨrajauka peɨvɨ güi, opata pomoai moai jare pemanota.

JEREMÍAS 29:8

Che peYa Imbaepuere yae ete vae Israel iTumpa, amombeu peve kuae: Agüɨye peyembotavɨuka ñeemombeúa reta ani maratuta vae imombeúa reta pepɨte pe yogüɨreko vae pe; agüɨye peyapo jae reta ipaɨu omombeugüe.

JEREMÍAS 29:9

Echa jae reta omombeu cheree re peve vae apu ko. Che mbaetɨ ko ayókuai reta. Che ndeYa ko jae kuae.”

JEREMÍAS 38:22

opaete kuña reta opɨta mburuvicha guasu Judá pegua jo pe vae, oñerenoeta oñemee Babilonia pegua mburuvicha guasu iyɨvɨrigua mburuvicha reta ipo pe; jare jókuae kuña reta etei jeita: “Mburuvicha guasu, ndevɨa-ïru ikavigüe reta ndembotavɨ jare nemoamɨri; omaeño ndepɨ oike tuyuapo yasuru vae pe, javoi ikupe omee reta ndeve.”

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.