JEREMÍAS 27:13 - Biblia Guarani Tumpa Iñee

¹³ ¿Maera pa pemanota, nde jare nerëta pegua reta kɨsepuku pe ani karuai jare mbaerasɨ ovakatu vae rupi, yandeYa jei rami tëtaguasu mbaetɨ oñemee oyeokuai vaerä mburuvicha guasu Babilonia pe vae?

JEREMÍAS 27:13 ပူးပေါင်းရင်းမြစ်များ

PROVERBIOS 8:36

ërei chekotɨ iyoa vae, jae aeño ko oñererokomegua, ¡opaete chereröɨro vae reta, mano ko oaɨu!”

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 24:9

Ayapota chupe reta vae rupi opaete tëtaguasu reta okɨɨye yaeta, jare omae kavi potaä jese reta; yogüɨrekota susere rupi jare ñeerä, yeyóyai yóyai rupi jare yepopeyurä opaete ɨvɨ rupi che amoai moaia rupi.

JEREMÍAS 27:8

Oime yave kia nunga vae tëtaguasu ani metei mborookuaía mbaetɨ oñemee Nabucodonosor ipo pe, che aiporaraukata chupe ñeraro rupi, karuai jare mbaerasɨ ovakatu vae rupi, opaete opɨta regua ipo pe. Che ndeYa ko jae kuae.

JEREMÍAS 38:2

“YandeYa jei: ‘Kuae tëta guasu pe opɨta vae omanota ñeraro rupi, karuai ani mbaerasɨ ovakatu vae rupi; ërei ngatu oë oñemee Caldeaɨgua reta ipo pe vae, ngaraa omano; güɨroasayepeta jekove.’

JEREMÍAS 38:20

Jeremías jei chupe: —Cheruvicha guasu, ngaraa rea jae reta ipo pe. Eyeapɨsaka yandeYa iñee che amombeu aï ndeve vae re, reo kavi vaerä jare reroasayepe vaerä nderekove.

JEREMÍAS 38:23

Jare Jeremías jei ye mburuvicha guasu pe: —Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 18:24

Ërei jupi vae opia yave jupi oyapo oiko vae güi, jare jae oyapo ikavimbae yae vae iyoa vae reta oyapo vae güi yave, ¿perovia pa oikoveñota? Che ngaraa ma chemaendúa opaete ikavi vae oyapogüe re. Oyapo jupimbae jare iyoa jeko pegua omanota.

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’