JEREMÍAS 27:10 - Biblia Guarani Tumpa Iñee

¹⁰ Opaete jókuae jei reta peve vae pembotavɨ ko; che opata ko pogüɨrajauka peɨvɨ güi, opata pomoai moai jare pemanota.

JEREMÍAS 27:10 ပူးပေါင်းရင်းမြစ်များ

ÉXODO 22:18

Kuña imbaekuaa vae agüɨye pemaeño toikove.

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 23:16

YandeYa Imbaepuere yae ete vae jei: “Israel iñemuña reta, agüɨye peyapo ñeemombeúa reta omoërakua peve vae. Omombeu peve vae apu ko, iyeugüi aeño ko jei reta, che mbaetɨ ko jae chupe reta.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 27:14

Agüɨye peyapo jókuae ñeemombeúa reta pemboarakuaa vae, jei reve: ‘Ngaraa peyeokuai mburuvicha guasu Babilonia pegua pe.’ Echa omoërakua reta peve vae apu ko.

JEREMÍAS 27:15

YandeYa jei jae mbaetɨ ko ombou reta; omoërakuaiño ma yandeYa jee re. Jare jökorai yandeYa opata pemoai moai jare opata pemano, jökoraiño vi jókuae ñeemombeúa reta omoërakua kuaekuae vae.”

JEREMÍAS 27:16

Chemiari vi sacerdote reta pe jare opaete vae reta pe, jae chupe reta: “Körai jei yandeYa: ‘Agüɨye perovia jókuae ñeemombeúa reta jei peve, jarembaeño ko Babilonia güi oyereru yeta tembiporu reta yandeYa itupao pegua reta vae. Jókuae jei reta peve vae apu ko.

JEREMÍAS 28:11

javoi jei opaete vae reta pe: —YandeYa jei: “Köraita ko kuae güi mókoi añoa rupi aekɨ yuvo opaete tëtaguasu reta iyayu güi, Nabucodonosor, mburuvicha guasu Babilonia pegua iyuvo, jare opata amopë mopë.” Jare Jeremías ojo joko güi.

JEREMÍAS 28:16

Jáeramo, yandeYa jei: “Romokañɨteita kuae ɨvɨ iárambo güi. Kuae año remanota, echa neñee jeko pegua opaete vae reta oyembopɨapochɨ chekotɨ.”

JEREMÍAS 32:31

Kuae tëta guasu, omboɨpɨ oñemopüa güive añave regua, jaeño oiko chemboarasɨuka vaerä. Jáeramo opata amboai,

JEREMÍAS 8:19

Mase, cherëtaɨgua reta jäse oyeendu opaete kuae ɨvɨ pe körai: “¿Mbaetɨ ma ra oï yandeYa Sión pe? ¿Mbaetɨ ma ra Juvicha guasu oï joko pe?” Jare yandeYa Jei: “¿Maera pa chemboarasɨuka tumpa-raangarä peñopa kavi peyapo vae rupi, jókuae tumpa-raanga mbaetɨ mbaerä osirive vae jare peikuaambae vae rupi?”

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

DANIEL 4:7

Jare yogüeru ichoropa vae reta, yasɨtata re oyemboe vae reta, Caldeaɨgua reta jare maratuta vae imombeúa reta, jare amombeu chepaɨu chupe reta, ërei ngatu mbaetɨ ipuere oikuaauka reta cheve mbae ko oipota jei vae.

ZACARÍAS 10:2

Echa tumpa-raanga reta iñee mbaetɨ ko añetete, jare maratuta vae imombeúa reta oecha apu, ipaɨu re imiari jare oporombopɨakatu jaanga; jáeramo tëta, vecha oikoiño vae rami, oiporara, echa mbaetɨ iyangarekoa.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

DEUTERONOMIO 18:10

Agüɨye pegüi reta kia nunga vae toapɨ imichia tata pe, agüɨye vi kia toyemboe oikuaa vaerä mbaekuaa rupi maratuta kuri vae re, agüɨye perovia moroäɨvo re, ani oekɨ suerte vae ani imbaekuaa vae re,