JEREMÍAS 26:16 - Biblia Guarani Tumpa Iñee

¹⁶ Jayave mburuvicha reta jare opaete vae reta jei sacerdote reta pe jare ñeemombeúa reta pe: “Mbaetɨ teko güɨnoi kuae kuimbae omano vaerä, echa yandeYa Tumpa jee re imiari yandeve.”

JEREMÍAS 26:16 ပူးပေါင်းရင်းမြစ်များ

ESTER 4:14

Echa kïriiño repɨta kuae ara rupi yave, Judáɨgua reta pe outa ko yemborɨ ïkotɨa güi; ërei ngatu nde jare nerëtara reta opata pekañɨtei. ¡Güɨramoi jaerä nde reyeparavo mburuvicha guasu jembirekorä!

SALMOS 94:16

¿Kia pa chereepɨta jeko kavimbae reta güi? ¿Kia pa chereepɨta ikavimbae iyapoa reta güi?

PROVERBIOS 16:7

Kuimbae, jeko kavi rupi omboyerovia yandeYa yave, jovaicho reta ave jae ombopɨakatuta chupe.

JEREMÍAS 26:11

Jayave sacerdote reta jare ñeemombeúa reta, omoë reta iñee mburuvicha reta pe jare opaete vae reta pe, jei reve: “Kuae kuimbae omanota ko, echa omoërakua kuae tëta guasu kotɨ maratuta vae. Pe reta etei peendu rami.”

JEREMÍAS 34:10

Opaete mburuvicha reta jare tëta ipo reta oendu kuae yemongeta oyeapogüe yave ikɨ̈reɨ, jare oyora jembiokuai reta, mbaetɨ ma oyókuai ye.

JEREMÍAS 36:19

Jayave mburuvicha reta jei Baruc pe: —¡Nde jare Jeremías pekua peñemi, jare agüɨye kia toikuaa kia pe ko peï vae!

JEREMÍAS 36:25

Elnatán, Delaía jare Gemarías omoñera tëi mburuvicha guasu agüɨye vaerä oapɨ jókuae tembikuatía, ërei jae mbaetɨ oendu chupe reta,

JEREMÍAS 37:15

Jare mburuvicha reta iyarasɨ Jeremías kotɨ, oinupauka jare oñonouka tembipɨɨrɨru oï ombaekuatía vae Jonatán jëta pe vae pe, echa jókuae yepe oipoepɨ reta tembipɨɨrɨrurä.

San Mateo 27:54

Jare cien sundaro vae juvicha Jesús re oyangareko oï vae jare jae ndive ñogüɨnoi vae reta oecha yave kërai ɨvɨ okana jare kërai opaete oyeapo vae, okɨɨye yae jare jei: —¡Añetete yepe, kuae kuimbae jae Tumpa Taɨ!

San Lucas 23:41

Jupi ko yande ñamano vaerä. Echa yande ñamanota ñaï ikavimbae vae yayapo jeko pegua. Ërei kuae kuimbae mbaetɨ etei oyapo mbae ikavimbae.

San Lucas 23:47

Jare cien sundaro vae juvicha joko pe oï vae oecha kuae oasa yave omboete Tumpa, jei reve: —Añetete yepe, kuae kuimbae jae jupi vae.

Hechos 23:29

Joko pe aikuaa jae reta omboeko mborookuai güɨnoi reta vae re. Ërei jae mbaetɨ jeko omano vaerä ani oï vaerä tembipɨɨrɨru pe.

Hechos 23:9

Jare oyoaka tee tee reta oyoupii. Javoi opüa amogüe mborookuai re oporomboe vae reta fariseo reta ndive oñemoïru vae, jei: —Ore mbaetɨ etei roväe teko kuae kuimbae re. Güɨramoi metei espíritu ani araɨgua imiari chupe. Agüɨye yayovaicho Tumpa ndive.

Hechos 25:25

Ërei che mbaetɨ aväe teko jese omano vaerä. Jare jae etei oipota mburuvicha guasu Augusto ojäa vaerä. Jáeramo ayemongeta ma amondo vaerä ikotɨ.