JEREMÍAS 25:9 - Biblia Guarani Tumpa Iñee

⁹ ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 25:9 ပူးပေါင်းရင်းမြစ်များ

2 REYES 24:2

Ërei yandeYa ombou Joacim kotɨ oporepeña sundaro reta Caldeaɨgua reta, Siriaɨgua reta, Moab iñemuña reta, Amón iñemuña reta. Kuaekuae reta ombou Judá kotɨ opa vaerä omboai, yandeYa jei iñeemombeúa reta rupi rami.

2 CRÓNICAS 29:8

Jáeramo yandeYa iyarasɨ Judá pegua reta kotɨ jare Jerusalén pegua reta kotɨ jare opa oeya mbɨatɨtɨ pe, ñemotareɨ rupi jare yeyóyai yóyai rupi; pe reta etei peecha añave rupi penoi rami.

2 CRÓNICAS 36:21

oyembopo vaerä Tumpa jeigüe iñeemombeúa Jeremías rupi vae. Jökorai jókuae ɨvɨ oputuu kavi; echa oputuu opaete ara ipombae oiko ramboeve setenta año oupitɨ regua.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

ISAÍAS 10:5

Echa Tumpa jei: “¡Tëtaguasu Asiria! Jae ko popoka ɨvɨra pegua aporonupa pɨpe chearasɨ yave vae, ipo pe añono chearasɨ.

ISAÍAS 13:3

Tumpa jei: Aenɨi ma chesundaro reta, jëia vae reta, oyeparavogüe reta, cheporomoamɨri re oyerovia vae reta, amondo oyapo reta vaerä cheporonupa.”

ISAÍAS 39:7

Neñemuña reta güi ave güɨraja retata Babilonia kotɨ, oapiao retata yogüɨreko vaerä tembiokuairä, mburuvicha guasu jo pe.”

ISAÍAS 44:28

Che jae mburuvicha guasu Ciro pe: ‘Nde ko jae chevecha iyangarekoa rami, reyapota opaete mbaembae royókuai vae’; jare Jerusalén pe jae: ‘Nde reñemopüa pɨau yeta ko’; jare tupao pe jae: ‘Oñeñonota ko ndeguapɨka.’ ”

JEREMÍAS 1:14

Jayave yandeYa jei cheve: “Ɨvɨtuguasu kotɨ güi oyepɨyereta kañɨtei, opaete kuae ɨvɨ pegua reta re.

JEREMÍAS 1:15

Mase, che amboatɨta opaete ɨvɨtuguasu kotɨgua reta. Yogüeruta juvicha guasu reta, jare oyembojeyupa retata metei ñavo, Jerusalén jöke ñavo pe, jare opaete ikësea ikupe rupi, jare opaete tëta guasu reta Judá pegua rupi.

JEREMÍAS 10:22

¡Peyeapɨsaka! Jërakua tëtaguasu ɨvɨtuguasu kotɨgua güi oyeendu ou jetagüe, oeya vaerä ipombae opaete tëta guasu reta Judá pegua, opɨta vaerä aguarayaɨmba reta jëtarä.

JEREMÍAS 12:14

YandeYa jei körai Israel iyɨvɨrigua tëta reta jeko kavimbae reta kotɨ, jókuae omboai reta ɨvɨ jae omee imbae vae reta Israel pe vae kotɨ körai: “Che anoe retata iɨvɨ güi jare ipɨte reta güi anoeta Judá.

JEREMÍAS 18:16

Jökorai iɨvɨ oipoepɨ, ɨvɨ ipombae pe, opaete vae okɨɨye yae vaerä jekuae avei pegua. Opaete oasa jokoropi vae iñäka ombovavata jare ipɨakañɨta jese.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 20:4

Echa yandeYa jei körai: ‘Ropoepɨta kɨɨye rupi reiko vaerä jare opaete ndevɨa-ïru reta okɨɨyeta ndegüi; nderovake ndevɨa-ïru reta opata omano tovaicho reta ipo pe. Ameeta opaete Judá pegua reta mburuvicha guasu Babilonia pegua ipo pe, jae güɨrajata iɨvɨ güi ani oyukata kɨsepuku pe.

JEREMÍAS 24:9

Ayapota chupe reta vae rupi opaete tëtaguasu reta okɨɨye yaeta, jare omae kavi potaä jese reta; yogüɨrekota susere rupi jare ñeerä, yeyóyai yóyai rupi jare yepopeyurä opaete ɨvɨ rupi che amoai moaia rupi.

JEREMÍAS 25:8

Jáeramo yandeYa Imbaepuere yae ete vae jei: ‘Pe reta mbaetɨ ma peendu amombeu tëi peve peyapo vaerä vae jeko pegua,

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 35:11

Ërei Nabucodonosor mburuvicha guasu Babilonia pegua oporepeña kuae tëtaguasu re yave, royu kuae Jerusalén pe, rotekuarai vaerä sundaro Caldeaɨgua reta jare Siriaɨgua reta güi; jáeramo ko roiko Jerusalén pe.”

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 36:29

Jare körai ere mburuvicha guasu pe: ‘Körai jei yandeYa: Nde reapɨ tembikuatía, jare reñeengata vi Jeremías pe, echa oikuatía jese mburuvicha guasu Babilonia pegua outa opa omboai kuae tëtaguasu, mbaetɨta pɨpe kuimbae ani mɨmba yepe.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 40:2

Sundaro omaeäro vae reta juvicha oenɨi Jeremías ïkotɨa jare jei chupe: “NdeYa Tumpa omoërakua kuae ikavimbae ombou vaerä kuae ɨvɨ re,

JEREMÍAS 43:10

jare ere chupe reta: ‘YandeYa Imbaepuere yae ete vae Israel iTumpa jei: Ambouta cherembiokuai Nabucodonosor, mburuvicha guasu Babilonia pegua, jare añonota iporookuaía jare jorä güɨnoi vaerä kuae ita reta añotɨ vae iárambo.

JEREMÍAS 46:20

Egipto guaka taɨrusu ipöra yae rami vae, ërei ɨvɨtuguasu kotɨ güi ou chupe oporomokañɨtei vae.

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 6:1

¡Benjamín iñemuña reta Jerusalén pegua, petekuarai! Pemoñee mimbɨ guasu Tecoa pe, pemoätati ikañɨmaa vaerä Bet-haquerem pe, echa susere yavaetegüe oyekuaa ou ɨvɨtuguasu kotɨ güi.

JEREMÍAS 8:16

¡Ou ma tovaicho! ¡Dan peve oyeendu ma ikavayu reta iñäpɨgua omoñee vae! Ikavayu reta iñee pe, omokana opaete ɨvɨ. Yogüeru omboai vaerä ɨvɨ jare opaete pɨpegua, tëta guasu reta jare opaete yogüɨreko pɨpe vae.”

EZEQUIEL 12:20

Opaete tëta guasu reta oyemboaita jare ɨvɨ opɨtata ipombae; jayave pe reta chekuaata, che ko jae peYa.’ ”

EZEQUIEL 16:40

Jeta vae reta opüata nderé, ndeapi retata ita pe jare ndeyuka retata ikɨsepuku reta pe.

EZEQUIEL 21:11

omoembipe güɨnoi vaerä ipo pe. Kɨsepuku jaimbe jare jembipe oï, omee vaerä oporoyuka vae ipo pe.

EZEQUIEL 26:7

Echa, che ndeYa Tumpa jae körai: Ɨvɨtuguasu kotɨ güi aruta mburuvicha guasu Nabucodonosor oporepeña Tiro re; jae ko mburuvicha guasu imbaepuere yae vae Babilonia pegua. Yogüeruta kavayu regua reta ikavayu re, jare käretou reta ñeraro pegua ndive, yogüeruta jeta yeyé.

EZEQUIEL 36:5

yandeYa Tumpa jei körai: Chearasɨ yae cherägüɨro reve amoë cheñee ïru tëtaguasu reta kotɨ, jare opaete Edom pegua reta kotɨ, echa cheɨvɨ re oyemombae reta oyerovia reve, jare omotareɨ yae reve güɨnoe reta joko güi mbaagüɨye.’

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

HABACUC 1:12

CheYa Tumpa, ¿jaeä pa ko nde reiko avei vae cheTumpa Iyoambae omanombae vae? CheYa, ita guasu cheñepɨ̈roa, nde remee Caldeaɨgua pe neporojäa, remopüa jae reta oiporarauka vaerä.

HABACUC 1:17

Jökorai, ¿jekuaeñota pa Caldeaɨgua reta oremboa ipɨsa reta pe? ¿Jekuaeñota pa oporoyuka reta oporopararekombae reve?

DEUTERONOMIO 28:37

Mbaetɨta omae kavi peré vae, ñeeräño peikota, jare peyóyai yoyaita opaete vae tëta ñavo yandeYa pererajaa rupi.