JEREMÍAS 25:5 - Biblia Guarani Tumpa Iñee

⁵ Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 25:5 ပူးပေါင်းရင်းမြစ်များ

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

SALMOS 139:24

emae, ¿oime ra ikavimbae cheré? Chereroata tape opambae vae rupi.

SALMOS 37:27

Eyembosɨrɨ ikavimbae güi jare eyapo ikavi vae, jare reikota jekuae avei pegua.

ISAÍAS 1:16

¡Peyeyoe jare peyetɨo! ¡Pembosɨrɨ peyeugüi ikavimbae peyapo cheresa róvai rupi vae! ¡Agüɨye mo peyapo ikavimbae!

JEREMÍAS 17:25

Peyapo yave jökorai, oime aveita mburuvicha guasu oguapɨ vaerä David iguapɨa pe, jare oiketa tëta guasu jöke rupi käretou pe jare kavayu re iyɨvɨrigua reta ndive, jare Judá pegua reta jare Jerusalén pe yogüɨreko vae reta ndive. Jare Jerusalén pe oime aveita yogüɨreko vae.

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 4:1

YandeYa jei: “Israel, reyerova ye ko yave, eyerova ye chekotɨ. Rembosɨrɨ yave netumpa-raanga reta ikavimbae yae vae cheróvai güi jare mbaetɨta ma resɨrɨ chegüi yave,

JEREMÍAS 7:7

ameeta peikoño vaerä jekuae avei pegua kuae ɨvɨ pe, peñemuñagüe reta pe amee vae pe.

EZEQUIEL 18:30

Che ajäata opaete Israel iñemuña reta jeko oï rupi. Che peYa jae. Peyepoepɨ jare peyembosɨrɨ pereko ikavimbae güi, agüɨye vaerä pekañɨtei.

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

Hechos 26:20

jaeño amboɨpɨ amoërakua Damasco pegua reta pe, jare Jerusalén pegua reta pe, opaete Judea pegua reta pe jare judiombae vae reta pe. Amombeu chupe reta oeya vaerä jeko ikavimbae vae jare oyepoepɨ vaerä Tumpa kotɨ, oechauka reve jeko rupi oyepoepɨ reta ko vae.