JEREMÍAS 25:3 - Biblia Guarani Tumpa Iñee

³ “Josías, Amón taɨ trece año ma oiko mburuvicha guasurä Judá pe yave güive añave regua, yandeYa imiari cheve, jae ko veintitré año ma, jare che chemiari voi peve cheapɨmbae reve, ërei mbaetɨ peendu cheve.

JEREMÍAS 25:3 ပူးပေါင်းရင်းမြစ်များ

GÉNESIS 22:3

Jayave, pɨareve pe ndeimboveasɨ Abraham opüa oyupavo, oyokua imburika jare güɨraja vi mókoi jembiokuai reta jupíe jare vi taɨ Isaac; jare oyasɨa yepea mɨmba oyeyukagüe opaetei oyeapɨ vae oapɨ vaerä, jare opüa ojo Tumpa jei chupea kotɨ.

1 REYES 22:3

Jare mburuvicha guasu Israel pegua jei iyɨvɨrigua mburuvicha reta pe: —Peikuaa ko peï tëta Ramot, ɨvɨ Galaad pegua yandembae ko. Jayave, ikavi ko yaja ñapɨ̈ro Siriaɨgua reta juvicha guasu güi.

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 CRÓNICAS 24:19

Jare yandeYa ombou chupe reta ñeemombeúa reta omboyerova reta ye vaerä ikotɨ. Ërei jae reta mbaetɨ oyeapɨsaka ñeemombeúa reta iporomboarakuaa re.

2 CRÓNICAS 34:1

Josías güɨnoi juri año omboɨpɨ oï mburuvicha guasurä yave, jare oiko mburuvicha guasurä Jerusalén pe treinta y un año.

2 CRÓNICAS 34:3

Juri año ma oiko mburuvicha guasurä yave, jare taɨrusu yae vɨteri reve, Josías omboɨpɨ oeka iñemuñagüe David iTumpa. Jare doce año ma oiko mburuvicha guasurä yave omboɨpɨ oitɨouka Judá jare Jerusalén, opa omboai chugüi mbaemboete renda ɨvɨtɨ rupigua reta, Asera iä reta, tumpa-raanga reta, jare mbae iä reta oyemondɨkui oyeapo vae,

2 CRÓNICAS 34:8

Jare dieciocho año ma oiko mburuvicha guasurä yave, opa güire oitɨo ɨvɨ jare tupao, omondo Safán, Azalía taɨ, Maasías, tëta guasu juvicha jare mburuvicha Joa, Joacaz taɨ oñono kavi reta vaerä iYa Tumpa jo.

2 CRÓNICAS 36:15

YandeYa, iñemuñagüe reta iTumpa ombou avei oikuaauka chupe reta mbae re iñeemombeúa reta rupi, echa güɨnoi mboroparareko tëta imbae vae reta re jare jae oikoa re.

SALMOS 81:13

¡Tëta chembae vae oyapo yave mona che jae vae! ¡Israel, oguata yave mona cheremimbota rupi,

ÉXODO 8:20

YandeYa jei Moisés pe: —Ndeimbove epüa jare ekua Faraón jóvai; mase, jae ojota ɨ̈aka pe, jare ere chupe: “OreYa jei körai: ‘Emaeño toyogüɨraja tëta chembae, chemboete vaerä.

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

JEREMÍAS 1:2

YandeYa jei Jeremías pe, Josías, Amón taɨ trece año ma oiko mburuvicha guasurä Judá pe yave.

JEREMÍAS 11:7

Peñemuñagüe reta anoe Egipto güi rupive, amombeu kavi voi chupe reta oendu katu vaerä che jae vae; jayave güive añave regua, jekuae avei amombeu chupe reta oendu vaerä che jae vae.

JEREMÍAS 19:15

“YandeYa Imbaepuere yae ete vae Israel iTumpa jei: ‘Ambouta kuae tëta guasu re jare opaete tëta iyɨvɨrigua reta re tembiporara amoërakua chupe reta vae, echa oyembopɨa täta yae reta mbaetɨ vaerä oendu reta cheñee reta.’ ”

JEREMÍAS 22:21

Chemiari tëi ndeve ikavi reiko yave, ërei mbaetɨ reipota reyeapɨsaka cheré. Jökorai reiko ndetaɨrusu güive. ¡Mbaetɨ reipota reyeapɨsaka cheñee re!

JEREMÍAS 25:4

Jare yepe tëi yandeYa ombou voi peve iñeemombeúa reta, ërei pe reta mbaetɨ peyapo jeigüe, mbaetɨ vi peipota kërai ave peyeapɨsaka jese.

JEREMÍAS 26:5

ani mbaetɨ peipota peyeapɨsaka vaerä cherembiokuai reta ñeemombeúa re, che ambou peve iyɨpɨ güive osondombae reve vae reta, jare kuae reta re mbaetɨ peyeapɨsaka yave,

JEREMÍAS 29:19

Echa mbaetɨ peyapo amombeu peve iyɨpɨ güive voi cherembiokuai ñeemombeúa reta rupi vae, amondo yave peve, mbaetɨ peyeapɨsaka jese reta. Che peYa ko jae kuae.

JEREMÍAS 32:33

Ikupeño omee reta cheve, mbaetɨ jova. Yepe tëi mbaetɨ aeya kërai yepe amboembae, jeseve mbaetɨ oyapo reta che jae vae, jare mbaetɨ vi oipota oikuaa reta mbae jeko pegua ko oñenupa vae.

JEREMÍAS 35:14

Jonadab, Recab taɨ iñemuña reta, oyapo iñemuñagüe oyókuai vae, agüɨye vaerä jou reta vino, jare mbaetɨi jou reta añave regua, echa oyapo reta iñemuñagüe oyókuai vae. Che poyókuai avei iyɨpɨ güive, ërei mbaetɨ peyapo che jae vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 36:1

Joacim, Josías taɨ, irundɨa año ma oiko mburuvicha guasurä Judá pe yave, yandeYa jei Jeremías pe körai:

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 7:13

Añave che peYa jae: Opaete kuaekuae reta peyapo jeko pegua; pomomiari tëi iyɨpɨ güive chekueraimbae reve, ërei mbaetɨ peendu; poenɨi tëi, ërei mbaetɨ pemboyevɨ cheve ñee.

JEREMÍAS 7:25

Peñemuñagüe reta Egipto güi ñogüɨnoe güive añave regua, che ambou avei peve opaete cherembiokuai ñeemombeúa reta.

EZEQUIEL 33:4

Ërei kia nunga vae oendu reve mimbɨguasu iñee vae mbaetɨ güɨrovia, jare ou tovaicho reta oyuka yave, jaeiño ko jeko iyeupe imano re.

ZACARÍAS 1:4

Agüɨye peiko peñemuñagüe reta rami, chupe reta tenondegua ñeemombeúa reta oñemoñee, jei reve: YandeYa Imbaepuere yae ete vae jei: Peyerova ye añave pereko kavimbae güi jare perembiapo kavimbae güi; ërei jae reta mbaetɨ oipota oyeapɨsaka jare oendu reta cheñee, jei yandeYa.

San Marcos 1:35

Pɨareve pe Jesús opüa ndei köe mbove, jare oë ojo kïrii ngatúa pe. Oyerure vaerä.

San Juan 8:2

Pɨareve pe ndeimboveasɨ Jesús ojo ye tupao pe. Jayave jeta vae yogüeru jae oïa pe, jare jae oguapɨ omboe reta oï.

San Juan 8:47

Tumpa taɨ reta oyeapɨsaka jae iñee re. Pe reta Tumpa taɨä ko. Jáeramo peipotaä peyeapɨsaka jese.

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.