JEREMÍAS 25:29 - Biblia Guarani Tumpa Iñee

²⁹ Echa amboɨpɨta amondo cheporonupa tëta guasu chembaerä oñeñono tee vae re, ¿perovia pa pe reta mbaetɨta peñenupa? Ngaraa pepɨta jökoraiño, echa ambouta ñeraro opaete ɨvɨ pegua reta re. Che peYa Imbaepuere yae ete vae ko jae.’

JEREMÍAS 25:29 ပူးပေါင်းရင်းမြစ်များ

1 REYES 8:43

eendu ara pe, jókuae reikoa pe, jare emee chupe opaete jae oiporugüe, ndekuaa vaerä tëtaguasu reta opaete ɨvɨ rupi jare omee mbaemboete ndeve tëta Israel ndembae vae oyapo rami, jökorai toikuaa kuae tupao amopüa ndeve vae pe nderee oyemboete vae.

PROVERBIOS 11:21

Jeko kavimbae oiporara ñotai ko, ërei jupi vae iñemuña reta oasayepeta.

PROVERBIOS 11:31

Jupi vae omboresiveta mbota kuae ɨvɨ pe, ¡vɨtei pa iyoa vae reta, oiporarata jeko oï rupi!

PROVERBIOS 17:5

Paravete vae oyóyai yóyai vae, ikavimbae ko oyapo Iyapoa kotɨ; japicha isusere re oyerovia omae vae, ngaraa opɨta oiporarambae.

ISAÍAS 10:12

Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

JEREMÍAS 13:13

Javoi nde ere chupe reta: ‘YandeYa jei: Ambosavaɨpota opaete kuae ɨvɨ pe yogüɨreko vae, mburuvicha guasu reta David jëtara, jae iporookuaía pe oguapɨ vae, sacerdote reta, ñeemombeúa reta jare opaete Jerusalén pe yogüɨreko vae.

JEREMÍAS 19:3

Ere körai: ‘Judá pegua mburuvicha guasu reta jare Jerusalén pe peiko vae reta, peyeapɨsaka kuae ñee yandeYa Imbaepuere yae ete vae Israel iTumpa jei vae re: Aruta susere ikavimbae yae vae kuae ɨvɨ re, jare kia nunga vae oendu yave oipɨayuka eteita.

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

JEREMÍAS 46:28

Che peYa jae: Cherembiokuai Jacob agüɨye ekɨɨye, echa che ko aï nde ndive. Amokañɨteita opaete tëtaguasu reta jókuae opa romoai moai jupi vae. Ërei nde mbaetɨta romokañɨtei opaetei, jaeño ronupata ndereko oï rupi, ngaraa roeya reiporarambae.”

JEREMÍAS 49:12

YandeYa jei körai: “Jókuae jupi vae oiporara yave, nde mbaetɨ ko jupi köraiño repɨta vaerä, reiporara tai ko.

EZEQUIEL 14:17

Ani aru yave ñeraro jókuae ɨvɨ re, omokañɨtei vaerä opaete vae reta jare mɨmba reta,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 38:21

Opaete cheɨvɨtɨ reta re aenɨita ñeraro Gog kotɨ, che Tumpa jae kuae; oyoupii aeño oñoraro retata.

ABDÍAS 1:16

Pe peiporara cheɨvɨtɨ oñeñono tee vae re, jökoraita vi oiporara opaete tëtaguasu pegua; oiporara retata opaetei okañɨtei regua.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Lucas 23:31

Ɨvɨra jokɨgüe pe oyapo reta opaete kuae mbaembae yave, ¿mbae ra oyapota ɨvɨra yɨpigüe pe?

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?