JEREMÍAS 25:11 - Biblia Guarani Tumpa Iñee

¹¹ Opaeteita kuae tëtaguasu oyemboai; jare opɨtata tëtagüerä. Setenta año rupi kuae tëtaguasu reta yogüɨrekota mburuvicha guasu Babilonia pegua ipo pe.

JEREMÍAS 25:11 ပူးပေါင်းရင်းမြစ်များ

2 CRÓNICAS 36:20

Jaɨkue rupi opa güɨraja reta Babilonia kotɨ oasayepe mano güi vae, jare yogüɨreko reta jembiokuairä jare taɨ reta jembiokuairä ou regua Persia mborookuaía guasu,

ISAÍAS 5:6

amombota aeya. Ngaraa ma oitɨo vae jare ombokatu vae, titɨnɨe yuu pe jare ñana pe. Amapɨtu ave ayokuaita agüɨye vaerä omongɨ jese.

JEREMÍAS 25:12

Jare oupitɨ ma setenta año yave, aiporaraukata mburuvicha guasu Babilonia pegua pe jare opaete jókuae tëtaguasu pe, iyoa jeko pegua; jae ko Caldeaɨgua reta iɨvɨ; amboaita jekuae avei pegua. Che ndeYa ko jae kuae.

JEREMÍAS 25:38

Oë, yaguapope raɨ jaitɨ oeya rami, echa ɨvɨ oyemboai opɨta, tovaicho reta iyarasɨ rupi, yandeYa iyarasɨ ramo.

JEREMÍAS 27:22

‘Güɨraja retata Babilonia pe, jare joko pe opɨtata che aru ye regua kuae ɨvɨ pe. Che ndeYa ko jae kuae.’ ”

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 28:14

Echa che ndeYa Imbaepuere yae ete vae Israel iTumpa, jae: Añono opaete tëtaguasu reta iyayu re yuvo jiero pegua, oyeokuai reta vaerä Nabucodonosor, mburuvicha guasu Babilonia pegua pe. Mɨmba ñana rupigua reta ave amee ipo pe.”

JEREMÍAS 29:10

“YandeYa jei körai: ‘Babilonia imbaepuere iyapɨ ma yave setenta añoa pe, che ayuta pomborɨ, ambopo vaerä cheñee, pomboyerova ye vaerä kuae ɨvɨ pe.

JEREMÍAS 4:26

Amae, jare aecha ɨvɨ kavi ipombae oï, jare opaete tëta guasu reta oyemboai. YandeYa iyarasɨ yavaetegüe opa omboai kuae reta.

JEREMÍAS 4:27

YandeYa jei: “Opaete ɨvɨ oyemboaita, ërei ngaraa opaetei amokañɨtei.

JEREMÍAS 43:10

jare ere chupe reta: ‘YandeYa Imbaepuere yae ete vae Israel iTumpa jei: Ambouta cherembiokuai Nabucodonosor, mburuvicha guasu Babilonia pegua, jare añonota iporookuaía jare jorä güɨnoi vaerä kuae ita reta añotɨ vae iárambo.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

EZEQUIEL 12:19

Jare ere opaete jókuae ɨvɨ pegua reta pe, jare Jerusalén pegua reta pe jare opaete Israel iñemuña reta pe körai: ‘Kuae jei yandeYa: Okaru retata ipɨatɨtɨ yae reve, jare oɨu retata okɨɨye yae reve; echa kuae ɨvɨ oyemboaita jare opɨtata ipombae, pɨpe yogüɨreko vae reta ikavimbae oyapo vae jeko pegua.

EZEQUIEL 29:11

Mbaetɨta kia yepe ani mɨmba reta yepe oasa jokoropi. Cuarenta año rupi mbaetɨta kia oiko joko pe.

EZEQUIEL 6:14

Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”

DANIEL 9:2

Tenondegua añoa re oiko mburuvicha guasurä yave, che, Daniel, ayemboe mbegüe pe kavi Jeremías jembikuatía re, kërai setenta año rupi Jerusalén oyemboai oiko, yandeYa jei iñeemombeúa Jeremías pe rami.

LEVÍTICO 26:32

Amokañɨteita opaete mbae peɨvɨ pe, perovaicho reta yogüɨrekota peɨvɨ pe vae ipɨakañɨta opɨta.

MIQUEAS 7:13

Ɨvɨ opɨtata ñuurä, pɨpegua reta jeko pegua; teko pɨ̈chɨi oyapo reta jeko pegua.

ZACARÍAS 1:12

Jayave yandeYa iaraɨgua jei: “CheYa Imbaepuere yae ete vae, ¿kërai yave regua pa mbaetɨ reiparareko Jerusalén vae oikota, jare Judá pegua tëta reta, kuae re setenta año ma ndearasɨ reiko?”

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?