JEREMÍAS 24:10 - Biblia Guarani Tumpa Iñee

¹⁰ Amondota chupe reta ñeraro, karuai jare mbaerasɨ ovakatu vae, opaetei okañɨ reta regua, ɨvɨ che amee chupe reta jare iñemuñagüe reta pe vae güi.”

JEREMÍAS 24:10 ပူးပေါင်းရင်းမြစ်များ

1 REYES 14:15

YandeYa omokanata Israel ɨ omokana täkuarasɨ reta rami. Güɨnoeta kuae ɨvɨ kavi oñemee iñemuñagüe reta pe vae güi, jare omombota ɨ̈aka Éufrates kutɨ, oyapo reta ramo iyeupe Asera iä reta, pɨpe omboarasɨ yandeYa.

ISAÍAS 51:19

Kuae mókoi susere ou ndeve: Opa mbae oñepɨ̈ro jare oyemboai ndegüi, karuai jare ñeraro. ¿Kia pa ndepararekota? ¿Kia pa ndembopɨakatuta?

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 15:2

Oparandu yave ndeve ketɨ ra yogüɨrajata vae re, ere chupe reta: Körai jei yandeYa: ‘Oyembojee mbaerasɨ yavaetegüe pe omano vaerä vae, pɨpe tomano; oyembojee ñeraroa pe omano vaerä vae, joko pe tomano; oyembojee karuai rupi omano vaerä vae, pɨpe tomano; oyembojee iɨvɨ güi oyereraja vaerä tembipɨɨrä vae, toyereraja.’ ”

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 19:7

Kuae pe Judá pegua reta jare Jerusalén pegua reta iyemongeta opata arokomegua chugüi reta. Ameeta jovaicho reta ipo pe oa reta vaerä, opa vaerä oyuka reta; jare jëogüegüe reta chucha reta jembiurä jare mbaeporou reta jembiurä.

JEREMÍAS 21:9

Opɨta kuae tëta guasu pe vae omanota ñeraro rupi, karuai ani mbaerasɨ ovakatu vae rupi. Ërei ngatu oë oñemee Caldeaɨgua reta peöva perenoi vae ipo pe vae, ngaraa omano; güɨroasayepeta jekove.

JEREMÍAS 27:8

Oime yave kia nunga vae tëtaguasu ani metei mborookuaía mbaetɨ oñemee Nabucodonosor ipo pe, che aiporaraukata chupe ñeraro rupi, karuai jare mbaerasɨ ovakatu vae rupi, opaete opɨta regua ipo pe. Che ndeYa ko jae kuae.

JEREMÍAS 29:17

‘Che, peYa Imbaepuere yae ete vae jae: Ambouta peve ñeraro, karuai jare mbaerasɨ ovakatu vae. Poapota ɨva ichuumbigüe ikaviä etei oyeu vaerä vae rami.

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 32:25

Ërei nde cheYa, rere cheve agua vaerä ɨvɨ, amboepɨ vaerä ïru vae reta jovake, yepe tëi tëta guasu oata Caldeaɨgua reta ipo pe.’ ”

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

JEREMÍAS 42:17

Opaete ikɨ̈reɨ ojo oiko Egipto pe vae, omanota joko pe ñeraro rupi, karuai jare mbaerasɨ ovakatu vae rupi. Mbaetɨ eteita kia oikove; mbaetɨ eteita kia oasayepe susere tuicha yae aruta jese reta vae güi.’

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 5:12

Israel pegua reta jare Judá pegua reta güɨröɨro yandeYa; jei reta: “Mbaeä etei ko Tumpa. Ngaraa ikavimbae ou yandeve, ngaraa oime ñeraro ani karuai.”

JEREMÍAS 9:15

Jáeramo, che peYa Imbaepuere yae ete vae, Israel iTumpa, jae: Ameeta jou reta mbae iro yae vae jare ameeta oɨu reta ɨ oyemombayachigüe re.

JEREMÍAS 9:16

Opata amoai reta, kerupi ïru tëtaguasu reta oikuaambaea rupi, tu reta ave mbaetɨ oikuaa vae rupi; jare amondota ayukauka vaerä kɨsepuku pe opaetei okañɨtei regua.”

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

EZEQUIEL 6:11

YandeYa jei cheve: “Eäpiro, eyoko yoko neäka, neräse Israel pegua reta ikavimbae yae oyapo vae re, echa ñeraro pe, karuai pe jare mbaerasɨ ovakatu vae rupi omano retata.

EZEQUIEL 7:15

Tëta guasu güi ikatu pe oime ñeraro, jare japɨpe pe mbaerasɨ ovakatu vae jare karuai. Ikatu rupi ñogüɨnoi vae omanota ñeraro pe, tëta guasu japɨpe ñogüɨnoi vae reta karuai jare mbaerasɨ ovakatu vae oyukata.

DEUTERONOMIO 28:21

YandeYa güeruta peve mbaerasɨ pɨ̈chɨi yae vae, opa regua pemokañɨtei kuae ɨvɨ peike peiko vaerä pɨpe vae güi.

Apocalipsis 6:8

Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.