JEREMÍAS 23:5 - Biblia Guarani Tumpa Iñee

⁵ YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 23:5 ပူးပေါင်းရင်းမြစ်များ

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

SALMOS 45:4

Ndeyemboetea toë kavi ndeve, eyapo jupi vae jare añete vae paravete vae reta pe. ¡Ndepo akatu tandemboe mbae tuichagüe re!

SALMOS 80:15

temitɨ nde reñotɨ ndembaepuere rupi vae, rembojokɨ ndeyeupe vae.

SALMOS 99:4

Nde ko jae mburuvicha guasu imbaepuere yae vae, mbaejupi reaɨu vae, nde ko reyapo isɨmbi vae. Nde ko reyapo jupi vae jare isɨmbi vae Jacob iñemuña reta pe.

ISAÍAS 33:5

YandeYa ko tuicha vae, echa ara pe oiko; jae ko opa omotɨnɨe Sión isɨmbi vae pe jare mbaejupi pe,

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

ISAÍAS 42:6

“Che ndeYa ko roenɨi jupi vae peguarä, jare ropokota rogüɨroata; roñovatuta jare ayapota nderupi morogüɨrökuavee päve opaete vae reta peguarä, jare tembipe rami tëtaguasu reta pe.

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

ISAÍAS 52:13

Mase, cherembiokuai oyekou yaeta ko, oyembotuichaukata jare jërakua yaeta.

ISAÍAS 53:10

Ërei opaete kuae reve yandeYa oiporarauka chupe, omee oiporara yae vaerä. Omee jekove mano pe, mbaeyoa omboai vaerä yave, oechata iñemuña reta, oiko pukuta, jare ipo pe yandeYa jemimbota oë kavita.

ISAÍAS 53:2

Jokɨ pɨau vae ramita oë yandeYa jembiokuai, jare japo ɨvɨ otini vae re oï ramita; mbaetɨ oyekuaa kavi jare mbaetɨ ipöra; yaechata, ërei ipörambae reve, yaaɨu yaeta.

ISAÍAS 9:5

Echa opaete pɨapaa sundaro güɨraja ñeraroa pe vae, jare opaete temimonde tugüɨ oya jese vae, opata oyeapɨ, kapii oyeapɨ tata pe rami.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 22:15

¿Reyemongeta pa mburuvicha guasurä reï ndero reñova kavi ɨ̈vɨrare pe jeko pegua? Nderu oiko kavi, echa oyapo jupi vae jare sɨmbi vae, jáeramo oë kavi opaete mbaembae chupe.

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 22:30

YandeYa jei: “Pemoapɨta kuae kuimbae jee taɨmbae rami, kuimbae oë kavimbae chupe opaete mbaembae vae rami. Echa metei ave iñemuña reta güi ngaraa oguapɨ David iguapɨa pe, oporookuai pɨau ye vaerä Judá re.”

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

JEREMÍAS 30:3

echa oväeta ara, aru ye vaerä chembae vae reta Israel jare Judá pegua reta, tembipɨɨrä ñogüɨnoia güi. Aru yeta yogüɨreko vaerä ɨvɨ, che amee iñemuñagüe reta imbaerä vae pe.”

JEREMÍAS 30:9

Oyeokuai retata che iYa, Tumpa pe, jare David iñemuña amopüata juvicha guasurä vae pe.”

JEREMÍAS 31:27

YandeYa jei: “Mase, oväeta ara amoñemuña vaerä jeta Israel pegua reta jare Judá pegua reta jare jeta mɨmba reta.

EZEQUIEL 21:27

Opata amboaiasɨ yeyé aeya tëtagüerä. Ërei kuae oyeapota ou yave jókuae ambouta vae, oyapo vaerä jupi vae.

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

EZEQUIEL 34:29

Ameeta chupe reta jemitɨ ikavi yae vaerä, ngaraa ma karuai rupi yogüɨreko reta, ïru tëtaguasu reta ave ngaraa ma oyóyai yóyai.

EZEQUIEL 45:8

Kuae ɨvɨ güɨnoita mburuvicha reta Israel pegua imbaerä; jökorai ngaraa ye ma mburuvicha reta güɨrekoasɨ katu chembae vae reta, omaeiño retata Israel iñemuña reta pe ɨvɨ oñemee ñemuña ñavo rupi vae re.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

MIQUEAS 5:3

Ërei oeyañota räri imbae vae reta, jókuae imembɨ oata oï vae oa regua; jayave ïru jëtara reta yogüeru yeta oyea Israel iñemuña reta ndive.

ZACARÍAS 3:8

Eendu añave, sacerdote tenondegua Josué, nde jare ndevɨa-ïru reta oguapɨ nderóvai vae, echa pe reta ko jae yembojaangaa. Mase, ko che aru cherembiokuai jokɨ pɨau vae.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 2:2

Jare oparandu reta: —¿Kia pe pa oime oï michia judío reta juvicha guasurä oikota vae? Echa roecha iyasɨtata kuaraɨ oëa kotɨ güi. Jáeramo royu romboete vaerä.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 1:49

Jayave Natanael jei chupe: —Oporomboe vae. ¡Nde ko jae Tumpa Taɨ. Nde ko jae Israel pegua reta Juvicha guasu!

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

Hebreos 8:8

Echa omboeta reve jei chupe: “Mase, oväeta ara ayapo vaerä morogüɨrökuavee päve ipɨau vae Israel pegua reta jare Judá pegua reta ndive.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.