JEREMÍAS 23:24 - Biblia Guarani Tumpa Iñee

²⁴ ¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

JEREMÍAS 23:24 ပူးပေါင်းရင်းမြစ်များ

GÉNESIS 16:13

Jayave Agar ombojee yandeYa jae ndive imiari vae: “Nde jae Tumpa chereecha vae”, echa jei: “Tumpa chereecha jare aikoveño.”

1 REYES 8:27

Ërei ¿añetete ra ko Tumpa oikota ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao amopüagüe!

2 CRÓNICAS 2:6

Ërei ¿kia pa ipuere omopüa tupao guasu chupe, echa ara reta ave mbaetɨ ipuere iyave? ¿Kia pa che amopüa vaerä tupao guasu chupe, jaeño oyeapɨ vaerä ikäti kavi vae incienso jae jóvai?

2 CRÓNICAS 6:18

Ërei, ¿añetete ra ko Tumpa oikota kuimbae reta ipɨte pe ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao che amopüagüe!

JOB 34:21

Tumpa omae opaete vae iguata re, jae oecha opaete vae jembiapo.

JOB 34:22

Mbaetɨ ketɨ pɨtumimbía pe, ipuere oñemi mbaeyoa oyapo vae.

SALMOS 10:11

Ipɨa pe jei: “¡Tumpa iñakañɨ chegüi! ¡Oñomi jova ngaraa chereecha!”

SALMOS 139:7

¿Ketɨ pa ajata ndeEspíritu güi? ¿Ketɨ pa atekuaraita ndegüi?

SALMOS 139:8

Ayeupi ara pe yave, joko pe reï nde; agüeyɨ omanogüe reta ñogüɨnoia pe yave, joko pe reï nde.

SALMOS 148:13

¡Pemboete yandeYa jee, echa jae jeeño ko tuicha yae vae! ¡Iyemboetea tuicha yae, oyapɨraa opaete ara jare ɨvɨ!

SALMOS 90:8

Oreyoa reñono nderesa róvai, royapo vɨarigüe reñono nderesa róvai.

PROVERBIOS 15:3

YandeYa omae oï opaete re, jeko kavi vae reta re jare jeko kavimbae reta re.

ISAÍAS 29:15

¡Paravete! YandeYa güi oñemi vae reta, oñomi reta iyemongeta jare jembiapo pɨtumimbi pe, jare jei reta: ¡“Mbaetɨ kia yandereecha, mbaetɨ kia yandekuaa”!

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 16:17

Echa opaete jeko reta aecha; mbaetɨ etei oñemi chegüi vae, iyoa reta ave mbaetɨ ipuere oñemi chegüi.

JEREMÍAS 32:19

Tuicha yae yemongeta pe vae ko nde jare ndembaepuere yae mbae reyapo vaerä. Nde reecha opaete kuimbae oyapogüe, jare reiporarauka metei ñavo pe, jeko oï rupi jare jembiapo oï rupi.

JEREMÍAS 49:10

Ërei che opaeteita aitɨvɨro Esaú jëta, aväeta iñemía reta, jare mbaetɨta ipuere oñemi. Iñemuña reta, jëtara reta jare jëta iyɨpɨ pegua reta, opaeteita okañɨtei; mbaetɨ eteita kia opɨta jei vaerä:

EZEQUIEL 8:12

Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

DANIEL 2:22

Jae oechauka mbae yavai yae vae jare oyekuaambae vae; jae oikuaa mbae oime oï pɨtumimbi pe vae, echa jae ko oikuaa opaete mbaembae.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

Efesios 1:23

echa oporogüɨrovia vae reta ko Cristo jete. Jae omotɨnɨe oporogüɨrovia vae reta, jare jae omotɨnɨe opaete mbaembae.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.