JEREMÍAS 23:22 - Biblia Guarani Tumpa Iñee

²² Oikuaa reta yave mona cheyemongeta reta oyekuaambae vae, oikuaaukata tëi ko cheñee chembae vae reta pe; omombiata tëi ko jeko ikavimbae güi, jare jembiapo reta ikavimbae güi.”

JEREMÍAS 23:22 ပူးပေါင်းရင်းမြစ်များ

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

JEREMÍAS 23:18

Echa ¿kia pa oikuaa yandeYa iyemongeta reta yaikuaambae vae? ¿Kia pa oecha jare oendu iñee? ¿Kia pa oyeapɨsaka jese?

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 36:3

Güɨramoi Judá pegua reta oendu opaete susere reta ayemongeta ambou vaerä chupe reta vae yave, oeya reta jeko kavimbae, javoi che cheɨ̈rota jeko kavimbae jare iyoa reta re chupe reta.”

JEREMÍAS 9:12

¿Oime pa kia yarakuaa yae kuae oikuaa vaerä? ¿YandeYa omee pa kia oikuaa vaerä kuae mbaembae reta jare omombeu vaerä ïru vae reta pe? ¿Mbae jeko pegua pa tëtaguasu opa oyemboai, ñuu otini vae rupi mbaetɨ kia oasa vae rami opɨta regua?

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

EZEQUIEL 13:5

Mbaetɨ etei mbae oyapo reta oepɨ vaerä Israel, mbaetɨ ojo reta oyemboasavi oï vae pe ani omopüa yepe oguambɨ tëta ikësea ñeraro peguarä, yandeYa iporojäa iara pe.

EZEQUIEL 18:30

Che ajäata opaete Israel iñemuña reta jeko oï rupi. Che peYa jae. Peyepoepɨ jare peyembosɨrɨ pereko ikavimbae güi, agüɨye vaerä pekañɨtei.

EZEQUIEL 2:7

Nde emombeu chupe reta cheñee, ipuere oyeapɨsaka nderé ani mbaetɨ vi, echa jae reta ko iñeereendumbae.

EZEQUIEL 3:17

“Nde kuimbae, che roñono sundaro ɨvate güi omae vae rami, Israel iñemuña reta peguarä. Che amombeu yave ndeve mbae nunga ñee, emoërakua chupe reta oikuaa voi ñogüɨnoi vaerä.

AMÓS 3:7

Echa ngaraa etei yandeYa Tumpa oyapo mbaesusere, omombeumbae reve jembiokuai ñeemombeúa reta pe.

ZACARÍAS 1:4

Agüɨye peiko peñemuñagüe reta rami, chupe reta tenondegua ñeemombeúa reta oñemoñee, jei reve: YandeYa Imbaepuere yae ete vae jei: Peyerova ye añave pereko kavimbae güi jare perembiapo kavimbae güi; ërei jae reta mbaetɨ oipota oyeapɨsaka jare oendu reta cheñee, jei yandeYa.

MALAQUÍAS 2:6

Mborookuai añete vae re oporomboe kavi reta, jare mbaetɨ oñeväe jese reta ikavimbae, mbɨakatu rupi jare jupi rupi yogüɨreko che ndive, jare jeta vae ombosɨrɨuka ikavimbae güi.

Hechos 20:27

Echa amombeu kavi peve opaete Tumpa jei vae.

1 Tesalonicenses 5:6

Jáeramo, agüɨye yake ïru vae reta rami. Jaeño yasareko avei jare yayeandu avei ñaï.