JEREMÍAS 23:16 - Biblia Guarani Tumpa Iñee

¹⁶ YandeYa Imbaepuere yae ete vae jei: “Israel iñemuña reta, agüɨye peyapo ñeemombeúa reta omoërakua peve vae. Omombeu peve vae apu ko, iyeugüi aeño ko jei reta, che mbaetɨ ko jae chupe reta.

JEREMÍAS 23:16 ပူးပေါင်းရင်းမြစ်များ

1 REYES 22:11

Sedequías, Quenaana taɨ, oyapo iyeupe guakaräti reta iä jiero pegua, jare osapúkai: “Körai jei yandeYa: ‘¡Kuae reta pe peporepeñata Siriaɨgua reta re opa pemokañɨtei regua!’ ”

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

2 CRÓNICAS 18:5

Jayave mburuvicha guasu Israel pegua omboatɨ cuatrociento ñeemombeúa reta, jare oparandu chupe reta: —¿Ikavi pa roporepeña tëta Ramot, Galaad pegua re ani mbaetɨ pa? Jae reta jei chupe: —Peporepeña jese echa Tumpa omeeta pepo pe.

PROVERBIOS 19:27

Cheraɨ, mbaetɨ reyeapɨsaka mboromboe re yave, reyembosɨrɨ ko yemboarakuaa ikavigüe güi.

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

JEREMÍAS 23:21

“Che mbaetɨ ko ayókuai jókuae ñeemombeúa reta, ërei jae reta yogüɨrajaño; kërai ave mbaetɨ chemiari chupe reta, ërei jae reta omoërakua mbae maratuta vae.

JEREMÍAS 23:26

¿Kërai yave regua ra jókuae ñeemombeúa jaanga reta omoërakuata apu, iyeugüi aeño jei reta vae?

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 29:8

Che peYa Imbaepuere yae ete vae Israel iTumpa, amombeu peve kuae: Agüɨye peyembotavɨuka ñeemombeúa reta ani maratuta vae imombeúa reta pepɨte pe yogüɨreko vae pe; agüɨye peyapo jae reta ipaɨu omombeugüe.

JEREMÍAS 9:12

¿Oime pa kia yarakuaa yae kuae oikuaa vaerä? ¿YandeYa omee pa kia oikuaa vaerä kuae mbaembae reta jare omombeu vaerä ïru vae reta pe? ¿Mbae jeko pegua pa tëtaguasu opa oyemboai, ñuu otini vae rupi mbaetɨ kia oasa vae rami opɨta regua?

JEREMÍAS 9:20

Kuña reta, peyeapɨsaka yandeYa iñee re, peendu iñemoñee: Pemboe toyaeo pememɨkuña reta jare pevɨa-ïru reta körai:

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 13:16

jókuae ñeemombeúa reta ñogüɨnoi Israel pe vae, oecha raanga mbɨakatu vae omombeu reta Jerusalén pe, mbaetɨ etei reve mbɨakatu.’ Che peYa Tumpa jae.

EZEQUIEL 13:23

Jáeramo, ngaraa ye ma peecha oyekuaa raanga peve vae, jare ngaraa ma pemoërakua imbaekuaa vae maratuta vae re omoërakua rami. Che aepɨta chembae vae reta pepo güi, jayave pe reta chekuaata che ko jae peYa vae.’ ”

EZEQUIEL 13:3

¡Peparavete, pe reta pearakuaambae reve peyeugüi aeño pemiari, mbaetɨ mbae oyekuaa peve reve vae!

EZEQUIEL 13:6

Oecha reta añetembae, jare mbaekuaa rupi mbae maratuta vae re omoërakua vae reta ramiño ko. Jei reta: ‘Körai jei yandeYa.’ Ërei che mbaetɨ ko ayókuai reta. ¡Jare güɨrovia tëi iñee reta oyembopo vaerä!

EZEQUIEL 22:28

Neñeemombeúa reta omombeu jaangaiño mbae outa vae, imbaekuaa vae maratuta vae re omombeu iyapu reve ramiño ko, jei reta: ‘YandeYa Tumpa jei körai.’ Ërei che mbaetɨ chemiari chupe reta.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

Romanos 1:21

Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.