JEREMÍAS 23:14 - Biblia Guarani Tumpa Iñee

¹⁴ Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

JEREMÍAS 23:14 ပူးပေါင်းရင်းမြစ်များ

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

GÉNESIS 18:20

Jayave yandeYa jei Abraham pe: —Sodoma pegua jare Gomorra pegua reta mbaetɨ etei ma jërakua kavi ara ñavo, iyoa reta jeiete yae ma ikaviä,

GÉNESIS 19:24

jayave yandeYa omongɨ ara güi azufre tata ndive, tëta Sodoma jare Gomorra iárambo;

GÉNESIS 19:25

jökorai opa omboai jókuae tëta reta jare opaete ɨvɨpe kavi ipo reta jare opaete mbaembae reta iagüe.

ISAÍAS 9:15

(Iñäka ombojaanga ko tenondegua reta jare mburuvicha reta re, juguai ombojaanga ko ñeemombeúa reta oporomboe apu re vae reta re.)

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 18:13

Jáeramo yandeYa jei körai: “Peparandu tëtaguasu reta rupi, oime ra kia oendu kuae nunga vae: ¡Israel pegua reta oyapo ikavimbae yae vae!

JEREMÍAS 20:16

¡Jókuae kuimbae, toiko tëta guasu reta yandeYa opa omboai jekuae avei pegua rami! ¡Toendu avei täse ndeimbove yave, jare kuaraɨ ara mbɨte yave, sapúkai ñeraro pegua,

JEREMÍAS 23:17

Cheñee güɨröɨro vae reta pe jei reta: ‘YandeYa jei opaete mbae oë kavita ko peve.’ Jare opaete ipɨa jeigüe reño yogüɨreko vae reta pe jei reta: ‘Ngaraa mbae ikavimbae ou peve.’ ”

JEREMÍAS 23:22

Oikuaa reta yave mona cheyemongeta reta oyekuaambae vae, oikuaaukata tëi ko cheñee chembae vae reta pe; omombiata tëi ko jeko ikavimbae güi, jare jembiapo reta ikavimbae güi.”

JEREMÍAS 23:32

Che ayovaicho jókuae ñeemombeúa reta omombeu ipaɨu añetembae vae reta kotɨ; iñee ngatu jare iñee-yukɨ rupi oyavɨuka chembae vae reta pe. Che mbaetɨ ko ambou, mbaetɨ vi ayókuai, jayave jókuae reta mbaetɨ etei ko ipuere omborɨ opaete vae reta. Che ndeYa ko jae kuae.

JEREMÍAS 29:21

YandeYa Imbaepuere yae ete vae, Israel iTumpa jei Acab, Colaías taɨ regua, jare Sedequías, Maasías taɨ regua, kërai jae reta omombeu peve añetembae yandeYa jee re. YandeYa jei körai: ‘Ameeta oa reta vaerä Nabucodonosor, mburuvicha guasu Babilonia pegua ipo pe, jare jae oyuka retata perovakei.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

JEREMÍAS 49:18

echa opɨtata Sodoma jare Gomorra rami jare tëta guasu reta iyɨvɨrigua, opa oyemboai yave rami. Mbaetɨ yeta kia ou oiko pɨpe ani oasa jokoropi vae ave. Che ndeYa ko jae kuae.

LAMENTACIONES 4:6

Echa jeiete yae cherëta guasu pegua reta iyoa, Sodoma pegua reta iyoa güi; jókuae tëta opa oyemboai jarembae pegua, mbaetɨ etei kia oporepeña jese reve.

EZEQUIEL 13:16

jókuae ñeemombeúa reta ñogüɨnoi Israel pe vae, oecha raanga mbɨakatu vae omombeu reta Jerusalén pe, mbaetɨ etei reve mbɨakatu.’ Che peYa Tumpa jae.

EZEQUIEL 13:19

Pe reta metei poagua cebada re jare mbovɨ mbɨyape re chemboeteä chembae vae reta jóvai; peyuka kia mbaetɨta tëi omano vae, jare pemaeño oikove jókuae mbaetɨta tëi ma oiko vae. Jökorai pembotavɨ chembae vae reta oyeapɨsaka apu re vae.’

EZEQUIEL 22:25

nde ko jae ɨvɨ, neñeemombeúa reta yaguapope rami oporoyuka vae; oporoyuka reta, opɨ̈ro reta ɨvɨ jare mbaeyekou, ombojeta reta imemano vae tëta guasu pe.

OSEAS 6:10

Israel pe aecha mbaembae ikavimbae yae vae; Efraín pegua reta oikomegua, Israel pegua reta oyemongɨa.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

MIQUEAS 1:5

Opaete kuaekuae, Jacob iñemuña reta ipɨarai jare iyoa jeko pegua. ¿Mbae pa jae Jacob ipɨarai? ¿Jaeä pa tëta Samaria? ¿Kia pa jae Judá pegua mɨmba oyeyuka oyeapɨ jese vae reta? ¿Jaeä pa tëta Jerusalén?

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

SOFONÍAS 3:4

Joko pegua ñeemombeúa reta oporomboe raanga; ërei mbaetɨ jupi reta Tumpa kotɨ. Isacerdote reta omongɨa o mbaemboetea, mbaetɨ omboete reta Tumpa iporookuai.

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

MALAQUÍAS 1:1

YandeYa omombeu Israel iñemuña reta pe mbae oasata vae, Malaquías rupi.

San Mateo 11:24

Ërei che jae peve, Tumpa ojäa ɨvɨ pegua reta yave, Capernaum pegua reta oiporara yaeta Sodoma pegua reta güi.”

DEUTERONOMIO 32:32

Echa jae reta uva ikavimbae rami ko, Sodoma jare Gomorra pegua iuva rami, uva iro yae vae jare imbayachi vae;

1 Timoteo 4:2

jókuae reta oenduta jova mókoi vae jare iyapu vae reta iporomboe, jókuae mbaetɨ etei ipɨatɨtɨ vae reta.

2 Pedro 2:6

Jaeramiño vi Tumpa ombou tata tëta guasu reta Sodoma jare Gomorra re opa vaerä omboai. Jaeño opɨta itanimbugüe. Jökorai opɨta opaete jeko kavimbae vae reta oikuaa vaerä.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

Apocalipsis 11:8

Jare jókuae mókoi kuimbae jëogüegüe opɨtata jókuae tëta guasu joka guasu pe Sodoma jare Egipto jee vae pe, jae ko yandeYa kurusu re oyekutúa pe.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.