JEREMÍAS 23:13 - Biblia Guarani Tumpa Iñee

¹³ Che aecha ñeemombeúa reta Samaria pegua, oyapo reta mbae ikavimbae yae vae chemboarasɨuka vaerä; omombeu reta Baal jee re mbae maratuta vae, jare chembae vae Israel iñemuña reta pe oyavɨuka reta.

JEREMÍAS 23:13 ပူးပေါင်းရင်းမြစ်များ

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

2 CRÓNICAS 33:9

Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 23:32

Che ayovaicho jókuae ñeemombeúa reta omombeu ipaɨu añetembae vae reta kotɨ; iñee ngatu jare iñee-yukɨ rupi oyavɨuka chembae vae reta pe. Che mbaetɨ ko ambou, mbaetɨ vi ayókuai, jayave jókuae reta mbaetɨ etei ko ipuere omborɨ opaete vae reta. Che ndeYa ko jae kuae.

JEREMÍAS 36:2

“Eipɨɨ metei tupapire oyepomombɨ vae, jare eikuatía jese opaete che jae ndeve Israel jare Judá regua vae, jare ïru tëtaguasu reta regua, mburuvicha guasu Josías oiko yave güive amboɨpɨ chemiari ndeve añave regua vae.

OSEAS 4:11

Aguasa pota, jare vino jasɨ vae jare vino ipɨau vae oporombopɨajopa.

OSEAS 4:12

Chembae vae reta oparandu itumpa-raanga reta ɨvɨra pegua pe; jare jókuae ɨvɨra omboyevɨ suerte rupi. Echa ipɨa jese reteiño vae oyavɨuka chupe reta; jare oeya reta iTumpa oyapo vaerä ikavimbae.

MIQUEAS 1:5

Opaete kuaekuae, Jacob iñemuña reta ipɨarai jare iyoa jeko pegua. ¿Mbae pa jae Jacob ipɨarai? ¿Jaeä pa tëta Samaria? ¿Kia pa jae Judá pegua mɨmba oyeyuka oyeapɨ jese vae reta? ¿Jaeä pa tëta Jerusalén?