JEREMÍAS 23:12 - Biblia Guarani Tumpa Iñee

¹² Jáeramo jape reta pɨtumimbi jare iïchɨi yae ramita; omoañaukata jare ogüɨapi retata, echa che aruta jese reta ikavimbae, oväe yave ara oiporara reta vaerä. Che ndeYa ko jae kuae.

JEREMÍAS 23:12 ပူးပေါင်းရင်းမြစ်များ

JOB 18:18

Tembipe güi oyemomboukata pɨtumimbi pe, oyemomboukata kuae ɨvɨ güi.

SALMOS 35:6

¡Tipɨtumimbi jare tiïchɨi toï jape reta, jare ndearaɨgua toaɨkuemoña reta!

SALMOS 73:18

reñono reta iïchɨi yaea pe; reitɨ reta kañɨtei pe.

SALMOS 82:5

Ërei ngatu pe reta mbaetɨ peikuaa; peiko pɨtumimbi pe rami. Okana opaete ɨvɨ iguapɨka reta.

ÉXODO 32:34

Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.

PROVERBIOS 4:19

Ërei iyoa vae reta jape pɨtumimbi rami ko; ¡mbaetɨ oikuaa reta mbae re ko ipɨ̈sa-yeyuka retata vae!

ISAÍAS 8:22

jare oeka reta tëi yemborɨ kuae ɨvɨ pe yave, jaeño oväe retata mbaeporara jare mbɨatɨtɨ; jare jókuae susere pe opata ɨvɨ oñeñono oyeeya.

JEREMÍAS 11:23

Mbaetɨ eteita opɨta chugüi reta metei ave, echa oväe ara aru vaerä Anatot pegua reta re mbaesusere, oiporara yae reta vaerä.”

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

JEREMÍAS 48:44

Okɨɨye güi otekuarai vae, oata ɨvɨkua pe, jare ɨvɨkua güi oë tëigüe, oata ñuai pe, echa che aruta Moab re tembiporara. Che ndeYa ko jae kuae.

JEREMÍAS 50:27

¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

LAMENTACIONES 2:20

Emae cheYa Tumpa, mbaetɨi ko kia jökorai reyapo. ¿Kuña reta jouta pa imembɨ raɨ ovoɨ vae? ¿Sacerdote jare ñeemombeúa oyeyukaukata pa o mbaemboetea pe?

MIQUEAS 7:4

Ipɨte reta güi jeko kavi vae ñurati rami ko; jeko sɨmbi vae, temitɨ jäti vae rami ko. Ërei oväeta ara reiporara vaerä, sundaro reta ɨvate güi omae vae omoërakua reta vae; jayave ramo reyembokepeguata.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

1 Juan 2:11

Ërei omotareɨ ïru oporogüɨrovia vae, oï ko pɨtumimbi pe. Oiko pɨtumimbi pe, mbaetɨ ko oikuaa ketɨ ra ojo vae, echa pɨtumimbi omboesaä.

Judas 1:13

Jae reta ko ɨguasu iɨaparúa tuicha vae oñaro vae rami, jókuae ɨ tɨrɨyɨi rami ko jembiapo ikavimbae, yasɨtata jopa vae rami ko. Pɨtumimbi opambae vae oñeñovatu oï chupegua retarä.