JEREMÍAS 23:10 - Biblia Guarani Tumpa Iñee

¹⁰ Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

JEREMÍAS 23:10 ပူးပေါင်းရင်းမြစ်များ

ESDRAS 10:18

Sacerdote iñemuña reta güɨreko kuña ketɨgua reta vae, jae kuae reta: Jesúa, Josadac taɨ iñemuña reta jare jëtara reta güi: Maasías, Eliezer, Jarib jare Gedalías.

SALMOS 107:34

ɨvɨ kavi oipoepɨ, ɨvɨ ikavimbae pe, pɨpegua reta iyoa jeko pegua;

ISAÍAS 24:6

Jáeramo, yepopeyu opa omokañɨtei ɨvɨ, jaenunga vi pɨpegua reta. Jáeramo, ɨvɨ pegua reta mbovɨ yae opɨta.

ISAÍAS 5:18

¡Peparavete!, pe reta peiko ikavimbae rupi vae, apu rupi peru mbaeyoa peyeupe, kia omoata käretou vae rami.

JEREMÍAS 12:11

Oeya reta ipombae, opa omboai reta, jare che aecha ɨvɨ ipɨatɨtɨ yae. Opaete ɨvɨ ipombae oï, jare mbaetɨ etei kia oyemoambeko jese.

JEREMÍAS 14:2

“Judáɨgua reta oyaeo ipɨatɨtɨ güi, jëta guasu reta kïrii ngatu, yogüɨreko pɨpe vae reta oguapɨ ɨvɨ pe. Jerusalén täta omoäse mbɨatɨtɨ.

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

JEREMÍAS 9:12

¿Oime pa kia yarakuaa yae kuae oikuaa vaerä? ¿YandeYa omee pa kia oikuaa vaerä kuae mbaembae reta jare omombeu vaerä ïru vae reta pe? ¿Mbae jeko pegua pa tëtaguasu opa oyemboai, ñuu otini vae rupi mbaetɨ kia oasa vae rami opɨta regua?

JEREMÍAS 9:2

¡Kia mona omee cheve ñuu pe teyupa aputuu vaerä, aja vaerä mombɨrɨ aï cherëtaɨgua reta güi! Echa opaete jae reta jupimbae ko, ipɨapochɨ vae reta ko.

OSEAS 7:4

Opaete jae reta iyaguasa pota vae ko; horno oyeatapɨ vae rami mbɨyape iyapoa oatapɨ oeya horno, ovu ramboeve mbɨyaperä vae.

JOEL 1:10

Ipombae opita ivi, ipiatiti oï; echa trigo opa okañitei, opa otini uva tigüegüe, jare olivo iasaite opa yandegüi.

LEVÍTICO 5:1

Kia nunga vae oñeenɨiuka yave mburuvicha reta jóvai imiari vaerä oechagüe re, jae ko oecha ani oikuaa ërei mbaetɨ ojo imiari yave, iyoa ko opɨta, toiporara jókuae iyoa re.

SOFONÍAS 3:4

Joko pegua ñeemombeúa reta oporomboe raanga; ërei mbaetɨ jupi reta Tumpa kotɨ. Isacerdote reta omongɨa o mbaemboetea, mbaetɨ omboete reta Tumpa iporookuai.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.