JEREMÍAS 23:1 - Biblia Guarani Tumpa Iñee

¹ YandeYa jei: “¡Paravete jókuae maangarekoa reta, oyuka jare opa omoai moai chevecha reta jókai güi vae!”

JEREMÍAS 23:1 ပူးပေါင်းရင်းမြစ်များ

JEREMÍAS 10:21

—Echa kuae tëta re oyangareko vae reta yarakuaambae katuai ko; mbaetɨ oeka reta yandeYa. Jáeramo osusere reta, jare opaetei oñemoai moai vae.

JEREMÍAS 12:10

Jeta tovaicho mburuvicha reta opa omboai cheuvarupa, opɨ̈ro reta ɨvɨ chembae re, opa omboai reta oeya, jókuae ɨvɨ aaɨu yae vae.

JEREMÍAS 13:17

Ërei mbaetɨ yave peendu kuae, ayaeo vɨarita pepɨapochɨ jeko pegua; cheresaɨ osɨrɨta, echa cheYa imbae vae reta opa oyererajauka tembipɨɨrä.

JEREMÍAS 2:26

Imonda vae oyepokou yave imara rami, Israel iñemuña reta imarata opɨta: Opaete vae reta, juvicha guasu reta, juvicha reta, isacerdote reta jare ñeemombeúa reta;

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 22:22

Ɨvɨtu opata güɨraja nderuvicha reta, jare ndeporopota jese vae reta opata oyereraja iɨvɨ güi. Nemara yaeta repɨta jare reñemomichiukata, opaete ikavimbae reyapo vae jeko pegua.

JEREMÍAS 23:2

Jáeramo körai jei yandeYa Israel iTumpa, cherëta re oyangareko vae reta pe: “Pe reta opa pemoai moai jare peiämondo chevecha reta jare mbaetɨ peyangareko jese. Mase, añave aiporaraukata peve perembiapo kavimbae re. Che ndeYa ko jae kuae.

JEREMÍAS 50:6

Tëta chembae vae vecha okañɨgüe rami ko, mbaetɨ güɨroata kavi iyangarekoa reta, omaeño okañɨ reta ɨvɨtɨ rupi. Opa yogüɨraja ɨvɨtɨ reta rupi, iñakañɨ regua jókai güi.

EZEQUIEL 13:3

¡Peparavete, pe reta pearakuaambae reve peyeugüi aeño pemiari, mbaetɨ mbae oyekuaa peve reve vae!

EZEQUIEL 34:1

YandeYa jei cheve:

EZEQUIEL 34:21

Echa pemoaña jare peikutu vecha ipɨtu vae reta, jökorai pembotekuarai reta jare opa pemoai moai.

EZEQUIEL 34:31

Pe reta ko jae chevecha reta rami, vecha reta cherɨmba rókai pegua. Che peYa ko jae kuae.”

EZEQUIEL 36:38

Tëta guasu reta ipombae vae tɨnɨe yeta jeta vae reta pe, jeta vecha reta oyereraja Jerusalén pe arete mbaemboetea pegua pe yave vae rami, jókuae mɨmba oyeyukata oyeapɨ vae reta rami.’ ”

ZACARÍAS 10:3

Jáeramo yandeYa jei: “Maangarekoa reta kotɨ chearasɨ oyepota tata rami. Aiporaraukata mburuvicha reta pe.” Ërei yandeYa Imbaepuere yae ete vae oyangarekota imbae vae re, Judá iñemuña reta re, oyapota kavayu jëia yae ñeraro peguarä vae rami.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

San Mateo 9:36

Ërei oecha yave jeta vae, oiparareko omae jese reta. Echa jae reta iyangarekoambae jare opa oñemoai moai, vecha iyangarekoambae rami.

San Juan 10:10

Imonda vae ou ko oñomi vaerä, oyuka vaerä jare omokañɨtei vaerä. Ërei che ayu ko amee vaerä tekove, jare oime avei vaerä tekove katu.

San Juan 10:12

Ërei korepoti re vecha reta re oyangareko vae, oecha yave aguarayaɨmba ou, oeya vecha reta jare otekuarai. Echa vecha reta iyangarekoa ikavimbae ko, jare vecha reta imbaeä vi. Jare aguarayaɨmba ou oipɨɨ amogüe vecha reta, jare ïru vecha reta opa oñemoai.

San Juan 10:8

Opaete yogüeru ndei ayu mbove vae imonda vae reta ko. Ërei vecha reta oyapoä jókuae reta jei vae.