JEREMÍAS 22:8 - Biblia Guarani Tumpa Iñee

⁸ Jeta ïru tëtaguasu pegua reta oasa kuae tëta guasugüe iyɨ́vɨri rupi vae, oparanduta oyoupe: ‘¿Maera ra körai oyapo kuae tëta tuicha yae vae iYa Tumpa?’

JEREMÍAS 22:8 ပူးပေါင်းရင်းမြစ်များ

JEREMÍAS 16:10

Remoërakua yave opaete vae pe kuae mbaembae reta re, oparandu retata ndeve: ‘¿Maera pa kuae ikavimbae yae vae yandeYa omoërakua orekotɨ? ¿Mbae ikavimbae pa ko oime royapo? ¿Mbae nunga mbaeyoa pa ko oime royapo yandeYa Tumpa kotɨ?’

JEREMÍAS 40:2

Sundaro omaeäro vae reta juvicha oenɨi Jeremías ïkotɨa jare jei chupe: “NdeYa Tumpa omoërakua kuae ikavimbae ombou vaerä kuae ɨvɨ re,

JEREMÍAS 40:3

jare añave oyembopo jókuae omoërakua vae. Kuae oasa pe reta ndive, echa peyoa Tumpa kotɨ jare mbaetɨ peyapo jae jeigüe.

LAMENTACIONES 4:12

Opaete ɨvɨ pegua mburuvicha guasu reta, jare opaete ɨvɨ pe yogüɨreko vae reta, mbaetɨ etei güɨrovia tovaicho reta oiketa ko Jerusalén jöke rupi etei vae.

EZEQUIEL 12:16

Ërei aroasayepeñota amogüe reta ñeraro güi, karuai güi jare mbaerasɨ ovakatu vae güi, imiari reta vaerä kerupi ïru tëtaguasu reta pe yogüɨrajaa rupi, ikavimbae oyapo reta vae re; jare oikuaa retata che ko jae iYa vae.”

EZEQUIEL 14:23

Pepɨakatuta peikuaa ma yave kërai ko yogüɨreko jare ikavimbae ko oyapo reta vae. Jayave peikuaata mbae jeko pegua ko aiporarauka kuaekuae Jerusalén pe. Che peYa jae.’ ”

EZEQUIEL 39:23

Jare tëtaguasu reta oikuaata, kërai Israel iñemuña reta oyererajauka tembipɨɨrä iyoa jeko pegua, oyembopɨapochɨ reta chekotɨ ramo che ayerova chugüi reta, amee jovaicho reta ipo pe, jare opaetei omano reta ñeraro pe.

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

DANIEL 9:7

Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae.