JEREMÍAS 22:5 - Biblia Guarani Tumpa Iñee

⁵ Ërei mbaetɨ yave peyapo kuae oyemombeu peve vae, cheyé aeño añererökuavee, kuae mburuvicha guasu jo opaeteita oyemboai.’ ”

JEREMÍAS 22:5 ပူးပေါင်းရင်းမြစ်များ

GÉNESIS 22:16

jei chupe: —YandeYa jei körai: “Cheyé aeño arökuavee ndeve reyapo kuaekuae ramo, jare mbaetɨ reipoɨu remee nderaɨ jaeño vae cheve;

2 CRÓNICAS 7:19

Ërei pe reta peyerova jare peeya cheporookuai reta amee peve vae, jare pemboete tumpa ambuae reta yave,

2 CRÓNICAS 7:21

Jare kuae tupao guasu ipöra yae vae jendagüeño opɨtata, jare opaete oasa jokoropi vae omopɨakañɨta jare jei retata: ‘¿Maera ra körai Tumpa oyapo kuae ɨvɨ jare kuae tupao guasu?’

2 CRÓNICAS 7:22

Jare jei retata iyeupe, oeya reta ramo iYa iñemuñagüe reta iTumpa ɨvɨ Egipto güi güɨnoe vae, jare tumpa ambuae pei oyeokuai jare omboete reta, jáeramo güeru opaete kuae mbae ikavimbae jese reta.”

SALMOS 95:11

Jáeramo, chearasɨ reve jae: ‘Mbaetɨta oike reta mbutuu ameeta vae pe.’ ”

ISAÍAS 1:20

ërei ngatu mbaetɨ yave pekɨ̈reɨ, jare peyembopɨapochɨ chekotɨ yave, opata ko pemano ñeraroa pe.” Echa yandeYa etei ko jei jökorai.

JEREMÍAS 12:7

Aeya chembae vae reta, aröɨro chembae vae reta. Amee jovaicho reta ipo pe, tëta chembae aaɨu yae yepi vae.

JEREMÍAS 17:27

Ërei pe reta mbaetɨ yave peyapo cheporookuai, peñono tee vaerä cheve ara mbutuu, jekuaeño peroike pevoɨta Jerusalén jöke rupi yave, che ayatapɨta jókuae öke reta re, jare opata oapɨ o kavi reta Jerusalén pegua, jare ngaraa kia ipuere ombogüe.’ ”

JEREMÍAS 26:4

Ere chupe reta, körai jei yandeYa: ‘Peendúä cheve peguata vaerä cheporookuai añono peróvai vae rupi yave,

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 44:26

Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

San Mateo 23:38

Mase, pero reta opata oyemboai opɨta.

Hebreos 3:18

Echa Tumpa jei jee re ae mbaetɨ vaerä oike reta iputuúa pe, jókuae iñeereendumbae reta.

Hebreos 6:13

Echa Tumpa güɨrökuavee Abraham pe yave, mbaetɨ kia tuichagüe yae vae chugüi ramo jei iyé aeño,

Hebreos 6:17

Tumpa oipota yae oikuaauka kavi iyemongeta oyepoepɨmbae vae jókuae oñererökuavee chupe reta ramo, oñererökuavee iyé aeño.