JEREMÍAS 22:30 - Biblia Guarani Tumpa Iñee

³⁰ YandeYa jei: “Pemoapɨta kuae kuimbae jee taɨmbae rami, kuimbae oë kavimbae chupe opaete mbaembae vae rami. Echa metei ave iñemuña reta güi ngaraa oguapɨ David iguapɨa pe, oporookuai pɨau ye vaerä Judá re.”

JEREMÍAS 22:30 ပူးပေါင်းရင်းမြစ်များ

JOB 18:19

Tëta pe mbaetɨta taɨ ani jɨmɨmino yepe, ani kia opɨta jekovia pe jo pe.

SALMOS 94:20

Oporojäa kavimbae reta ïruä ko nde, güɨrova reta mborookuai iyeupe oyapo vaerä ikavimbae.

JEREMÍAS 10:21

—Echa kuae tëta re oyangareko vae reta yarakuaambae katuai ko; mbaetɨ oeka reta yandeYa. Jáeramo osusere reta, jare opaetei oñemoai moai vae.

JEREMÍAS 2:37

Reyerova yeta Egipto güi nemara yae reve, echa che aröɨro ko jókuae reyerovia jese vae, jae ndive mbaetɨ eteita mbae oë kavi ndeve.”

JEREMÍAS 22:2

mburuvicha guasu Judá pegua jóvai, David iguapɨa pe oguapɨ oï vae jare iyɨvɨrigua reta jare opaete tëta pegua reta jóvai, ere: ‘Peyeapɨsaka yandeYa iñee re.

JEREMÍAS 29:32

jáeramo che, peYa jae, aiporaraukata Semaías pe jare iñemuña reta pe. Ngaraa oime iñemuña reta chembae vae reta ipɨte pe, ngaraa oecha mbae ikavigüe ayapota chembae vae reta pe vae, echa iñee rupi oporombopɨapochɨuka chekotɨ. Che peYa jae kuae.”

JEREMÍAS 36:30

Jáeramo, che ndeYa jae Joacim mburuvicha guasu Judá pegua kotɨ, mbaetɨ vaerä güɨnoi iñemuña reta güi oguapɨ vaerä David iporookuaía pe. Jëogüegüe opɨtata kuaraɨ jasɨ pe jare iroɨ pe pɨ̈tu yave.

JEREMÍAS 52:10

Jare jovakei taɨ reta opa oñaseokɨ̈ti, jare opaete Judá pegua mburuvicha reta.