JEREMÍAS 22:28 - Biblia Guarani Tumpa Iñee

²⁸ ¿Jae pa ko Jeconías ɨrɨru oyeka jare mbaetɨ ye osirive vae? ¿Maera pa jae jare iñemuña reta oyemombo ɨvɨ oikuaambae kotɨ?

JEREMÍAS 22:28 ပူးပေါင်းရင်းမြစ်များ

2 SAMUEL 5:21

Jare filisteo reta opa oeya joko pe itumpa-raanga reta, David jare isundaro reta opa oapɨ.

2 CRÓNICAS 21:20

Treinta y dos año güɨnoi yave omboɨpɨ oiko mburuvicharä, jare juri año oiko mburuvicharä Jerusalén pe. Omano yave mbaetɨ kia oäpiro. Jare oñotɨ reta David Jëta guasu pe, ërei mbaetɨ mburuvicha guasu reta jɨvɨa renda pe.

SALMOS 31:12

Oñemoakañɨ chegüi reta, omano ma vae güi iñakañɨ rami. Ayu apɨta metei kopa oyeka ma vae rami.

JEREMÍAS 14:18

Aja yave ñuu kotɨ, aecha tëogüe reta, ñeraro pe omanogüe reta; aike yave tëta guasu pe, aecha jovarurugüe, ñeemombeúa reta jare sacerdote reta ave opa yogüɨraja reta ïru ɨvɨ pe.’ ”

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 17:4

Reeyata ko ɨvɨ che amee ndembaerä vae, roapota nderovaicho reta jembiokuairä, ɨvɨ nde reikuaambaea pe, echa chearasɨ oyepotata tata rami jekuae avei pegua, nemokañɨtei vaerä.”

JEREMÍAS 22:27

Jayave, ngaraa ma oyerova reta ye, kuae ɨvɨ ikɨ̈reɨ yae oyerova reta ye tëi vae pe.

JEREMÍAS 22:30

YandeYa jei: “Pemoapɨta kuae kuimbae jee taɨmbae rami, kuimbae oë kavimbae chupe opaete mbaembae vae rami. Echa metei ave iñemuña reta güi ngaraa oguapɨ David iguapɨa pe, oporookuai pɨau ye vaerä Judá re.”

JEREMÍAS 24:1

Nabucodonosor mburuvicha guasu Babilonia pegua güɨraja güire Jeconías mburuvicha guasu Judá pegua, Joacim taɨ, jare mburuvicha reta Judá pegua ndive, ipoki mbae oyapo vae reta jare jiero pegua mbaravɨkɨ iyapoa reta Jerusalén pegua, yandeYa oechauka cheve mókoi kanata ɨva, yandeYa itupao jóvai.

JEREMÍAS 37:1

Nabucodonosor, mburuvicha guasu Babilonia pegua, omboguapɨ Judá pe mburuvicharä Sedequías, Josías taɨ, Conías, Joacim taɨ jekovia pe.

JEREMÍAS 48:38

“Opaete o Moab pegua iárambo rupi, jare opaete ikaye rupi oyeendu yaeo katuaiño; echa che ayoka Moab ɨ jɨru ikavimbae oyeyoka rami. Che ndeYa ko jae kuae.”

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.

OSEAS 8:8

¡Israel pegua reta, pekañɨteita aramoete pegua! Ïru tëtaguasu pegua reta mbaeä eteita omae peré,