JEREMÍAS 22:23 - Biblia Guarani Tumpa Iñee

²³ Añave nde reiko pɨagüive ndero kavi pe, oñeova ɨ̈vɨrare reta Líbano pegua pe vae pe. ¡Ërei jaema reiporarata, jasɨ katu yae vae ou nderé yave! Kuña imembɨrasɨ oï vae rami.”

JEREMÍAS 22:23 ပူးပေါင်းရင်းမြစ်များ

JEREMÍAS 21:13

‘Tëta guasu ɨvɨtɨ re reï vae, ɨvɨtɨ päu ipe kavi vae oyere nderé vae, che ndeYa jae ndekotɨ; pe reta pere: ¿Kia pa ipuereta yanderé? ¿Kia pa ipuereta oike ñaneñepɨ̈roka pe?

JEREMÍAS 22:6

Echa yandeYa jei mburuvicha guasu Judá pegua jo kotɨ: “Nde ko chevegua nepöra yae ɨvɨtɨ Galaad rami, ɨvɨtɨ Líbano iyapɨte rami, ërei ngatu ropoepɨta ñuurä, ɨvɨ ipombae vaerä.

JEREMÍAS 3:21

Oyeendu sapúkai ɨvɨtɨ re. ¡Jae ko Israel iñemuña reta, oyaeo reta oiporu mboroparareko! Opia reta tape sɨmbi vae güi, jare iñakañɨ reta, che iYa iTumpa güi.

JEREMÍAS 48:28

Moab pegua reta, peeya tëta guasu reta; pekua ɨ̈vavira kotɨ, jare joko pe peiko, pɨkasu oyembojaitɨ ɨ̈vavira ipäu vae rupi rami.

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

JEREMÍAS 6:24

Jerusalén pegua reta jei: “Roikuaa yave jërakua yae vae reta regua, opa orerëogüe; orepɨatɨtɨ yae jare jasɨ oreve, kuña imembɨrasɨ oï yave vae rami.

EZEQUIEL 17:3

Ere chupe reta: ‘YandeYa Tumpa jei körai: Metei güɨraké tuicha vae ou oväe Líbano pe; ipepo reta tuicha jare ipuku yae, jeta jaa jare oipotagüe ipïra; oipɨɨ ɨ̈vɨrare iyapokɨ,

OSEAS 5:15

Aja yeta aïa pe, jae reta oikuaa regua iyoa ko vae, yogüeru regua chereeka. ¡Oiporara reta ñogüɨnoi yave, chereekata!”

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

AMÓS 9:2

Yepe mona oike reta tëi matɨ ɨvɨgüɨ kotɨ, joko güi ko anoeta; yepe mona oyeupi tëi ara kotɨ, joko güi ambogüeyɨta.

ABDÍAS 1:4

Ërei yepe tëi peyemboɨvate yae güɨraké rami yepe tëi peñono peraitɨ yasɨtata reta re, joko güi poitɨta.” YandeYa jei:

HABACUC 2:9

¡Paravete, omotɨnɨe jo mbaembae oñomigüe pe vae, ombokavi jo oasayepe vaerä ikavimbae güi!

NÚMEROS 24:21

Jare Balaam omae yave ceneo iñemuña reta, jei ombojaanga reve mbae oasata vae, körai: “Caín iñemuña reta: yepe tëi perëta jëguambae; yepe tëi peñono perorä ɨ̈vavira re; opata ko peyeekɨuka peyemombo, Asiria pereraja yave tembipɨɨrä.”