JEREMÍAS 22:22 - Biblia Guarani Tumpa Iñee

²² Ɨvɨtu opata güɨraja nderuvicha reta, jare ndeporopota jese vae reta opata oyereraja iɨvɨ güi. Nemara yaeta repɨta jare reñemomichiukata, opaete ikavimbae reyapo vae jeko pegua.

JEREMÍAS 22:22 ပူးပေါင်းရင်းမြစ်များ

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

ISAÍAS 65:13

Jáeramo, yandeYa jei: “Mase, cherembiokuai reta oime jou vaerä, ërei pe reta pekaruaita; jae reta oime oɨu vaerä, ërei pe reta peɨuveta; jae reta oyeroviata, ërei pe reta peñemomaraiukata;

JEREMÍAS 10:21

—Echa kuae tëta re oyangareko vae reta yarakuaambae katuai ko; mbaetɨ oeka reta yandeYa. Jáeramo osusere reta, jare opaetei oñemoai moai vae.

JEREMÍAS 12:10

Jeta tovaicho mburuvicha reta opa omboai cheuvarupa, opɨ̈ro reta ɨvɨ chembae re, opa omboai reta oeya, jókuae ɨvɨ aaɨu yae vae.

JEREMÍAS 2:36

¿Maera pa ndeandeko yae reñemoïru vaerä? Egipto ombaeyavɨta vi ko ndeve, Asiria ombaeyavɨ ma ndeve rami.

JEREMÍAS 2:37

Reyerova yeta Egipto güi nemara yae reve, echa che aröɨro ko jókuae reyerovia jese vae, jae ndive mbaetɨ eteita mbae oë kavi ndeve.”

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 20:11

Ërei ngatu nde cheYa, oime reï che ndive, metei ñeraro regua imbaepuere yae vae rami; jáeramo, oeka teko cheré vae reta, ngaraa ipuere chemoamɨri; ipuereä jeko pegua imara yaeta opɨta jekuae avei rupi, jare ngaraa iñakañɨ reta chugüi vae.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 4:30

Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

JEREMÍAS 5:13

Ɨvɨtu ramiño ko ñeemombeúa reta, echa yandeYa iñeeä ko omombeu reta. Körai jei cheve Tumpa, yandeYa imbaepuere yae ete vae: “Jókuae ñee jei reta jeko pegua, kuae toiko chupe reta: Cheñee reta toï tata rami chupe reta ndeyuru pe, jare kuae tëta toñogüɨnoi yepea rami, jókuae tata topa tomboai.”

JEREMÍAS 7:19

¿Cheño ra chemboarasɨuka reta? Mbaetɨ ko, jae reta aeño ko teko oyapo iyeupe oñemomarai vaerä. Che ndeYa jae kuae.

OSEAS 12:1

Efraín iñemuña reta oyemongaru ɨvɨtu pe rami; ara ñavo yogüɨraja ɨvɨtuakuvo jaɨkue rami. Omoïru iyapu reta jare jekorai oyapo reta morogüɨrökuavee päve Asiria pegua reta ndive, jare güɨraja reta olivo iasaite pe ombopota Egipto.”

OSEAS 13:15

Yepe tëi togüɨnoi jeta mbaembae jëtara reta ipɨte pe, outa ɨvɨtuakuvo, yandeYa iɨvɨtuai oyepeyu ñuu kotɨ güi vae, kuae omotinita jare omondɨpata ɨesaɨ reta. Tovaicho reta güɨrajata pembaembae jepɨ yae vae.

OSEAS 4:19

¡Ɨvɨtu güɨroveve vae rami opata okañɨtei reta, jare oñemomaraiukata itumpa-raanga pota rupi!

ZACARÍAS 11:17

¡Paravete maangarekoa iyakɨ vae, oeya mɨmba vae! ¡Kɨsepuku toekɨ iyɨva jare jesa iyakatu kotɨgua! ¡Totini iyɨva jare topɨta jesambae!”

ZACARÍAS 11:8

Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.