JEREMÍAS 22:20 - Biblia Guarani Tumpa Iñee

²⁰ “¡Judá, eyeupi ɨvɨtɨ Líbano re jare esapúkai! ¡Ɨvɨtɨ Basán re esapúkai! ¡Esapúkai ɨvɨtɨ Abarim güive, echa opaete ndeporopota jese vae reta opa oñemokañɨtei!

JEREMÍAS 22:20 ပူးပေါင်းရင်းမြစ်များ

2 REYES 24:7

Jókuae güire mbaetɨ ye ma mburuvicha guasu Egipto pegua oë iɨvɨ güi, echa mburuvicha guasu Babilonia pegua opa opɨ̈ro chugüi opaete güɨnoigüe, ɨ̈aka raɨ Egipto pegua güive ojoi oväe ɨ̈aka Éufrates kotɨ.

ISAÍAS 57:13

Resapúkai netumpa-raanga reta pe ndemborɨ vaerä yave, ngaraa ndemborɨ, ngaraa vi ndereroasayepe. Opata ɨvɨtu güɨroveve jókuae netumpa-raanga reta; ërei cheré güɨrovia vae, güɨnoita ɨvɨ imbaerä jare oikota cheɨvɨtɨ oñeñono tee vae pe.

JEREMÍAS 2:25

¡Israel, agüɨye ndepɨgüɨrai reve esɨi, agüɨye ndeaseo totini ndeɨuve güi! Ërei rere: ‘¡Ngaraa!, aaɨu ko ketɨgua reta, ajata ko jupíe.’

JEREMÍAS 2:36

¿Maera pa ndeandeko yae reñemoïru vaerä? Egipto ombaeyavɨta vi ko ndeve, Asiria ombaeyavɨ ma ndeve rami.

JEREMÍAS 2:37

Reyerova yeta Egipto güi nemara yae reve, echa che aröɨro ko jókuae reyerovia jese vae, jae ndive mbaetɨ eteita mbae oë kavi ndeve.”

JEREMÍAS 22:22

Ɨvɨtu opata güɨraja nderuvicha reta, jare ndeporopota jese vae reta opata oyereraja iɨvɨ güi. Nemara yaeta repɨta jare reñemomichiukata, opaete ikavimbae reyapo vae jeko pegua.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 4:30

Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

LAMENTACIONES 1:19

Asapúkai tëi cheraɨu vae reta pe, ërei jae reta chembotavɨ. Chesacerdote reta jare chetenondegua reta opa omano tëta guasu pe, oeka reta tëi tembíu, agüɨye vaerä jovaruru.

LAMENTACIONES 1:2

Ipɨatɨtɨ yae reve oyaeo pɨ̈tu rupi, jesaɨ osɨrɨ jova rupi. Opaete oaɨu vae reta güi, mbaetɨ metei ave ou ombopɨakatu vae. Opaete ivɨa-ïru reta ave oyembosɨrɨ chugüi, oyemboyovaicho reta ikotɨ.

EZEQUIEL 23:22

Jáeramo, che ndeYa Tumpa jae körai: Amboarasɨukata ndeaguasa reta ndekotɨ, reyuguaru chugüi vae reta. Oipota rupi güi ambouta ndekotɨ,

EZEQUIEL 23:9

Jáeramo amee iyaguasa Asiriaɨgua reta ipo pe, jókuae jae iporopota jese vae pe.

EZEQUIEL 27:6

Ɨvɨra roble jee vae Basán pegua oyapo reta negüɨ̈raperä; Quitim güi oyereru ɨvɨra pino jee vae oyapete reta vaerä, jare elefante jäimbuku pe omopöra reta.

NÚMEROS 27:12

YandeYa jei Moisés pe: —Eyeupi kuae ɨvɨtɨ Abarim re, jare emae ɨvɨ amee Israel iñemuña reta pe vae re.

DEUTERONOMIO 32:49

“Eyeupi ɨvɨtɨ Nebo jee vae re, ɨvɨtɨ reta Abarim pegua re, ɨvɨ Moab pe oï vae, tëta Jericó jóvai, jare emae ɨvɨ Canaán re, Israel iñemuña reta imbaerä amee vae re;