JEREMÍAS 22:17 - Biblia Guarani Tumpa Iñee

¹⁷ Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 22:17 ပူးပေါင်းရင်းမြစ်များ

1 REYES 21:19

Jare köraita rere chupe: ‘YandeYa jei körai: Reyuka Nabot jare repɨ̈ro chugüi imbaembaegüe, jáeramo jókuae jugüɨgüe yaɨmba reta oerea pe, nderugüɨgüe oereta vi yaɨmba reta.’ ”

2 REYES 23:37

Ërei oyapo ikavimbae yandeYa jesa róvai, opaete mbaembae iñemuñagüe reta oyapo rami.

2 REYES 24:4

jekombae reta oyuka vae re, echa jeta yae Jerusalén pe jekombae reve omano vae; jáeramo yandeYa mbaetɨ oipota iñɨ̈ro chupe.

2 CRÓNICAS 36:8

Ïru mbae Joacim regua jare ikavimbae yae vae oyapo vae regua oyekuatía oï tembikuatía mburuvicha guasu reta Israel pegua jare Judá pegua regua oyekuatía oïa pe. Jare taɨ Joaquín oguapɨ jekovia pe mburuvicha guasurä.

JOB 31:7

Apia ra tape isɨmbi vae güi, chemoamɨri ra mbaepotarai, oime ra mbae ambuae oñeväe chepo pe.

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

PROVERBIOS 24:2

echa jae reta ipɨa pe oyemongeta omaeñomi vaeräño, jaeño imiari reta oyapo vaerä ikavimbae.

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

JEREMÍAS 17:11

Jupimbae reve oyemboikokatu vae, inambu güɨroaiño ïru jupía vae rami ko. Oeyata ko güɨramoiño, ndei indechi mbove, jare yarakuaambae opɨtata kuri.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 6:6

Echa yandeYa Imbaepuere yae ete vae jei körai: “¡Peyasɨa ɨvɨra reta jare pemopüa yeupika, Jerusalén pe peike vaerä! Kuae tëta guasu oiporara vaerä etei ko oï, echa tɨnɨe oï ikavimbae pe.

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

EZEQUIEL 18:12

oyuvanga paravete vae re jare mbae oata chupe vae re, imonda, mbia re mbae oeya vae pe mbaetɨ omee ye, omboete tumpa-raanga reta jare oyapo mbae pɨ̈chɨi yae cheve vae,

EZEQUIEL 19:6

Tuicha ma yave, ojo oguata ïru yaguapope reta ndive. Oikatu jembiarä oipɨɨ, jare oyuka jou kuimbae reta.

EZEQUIEL 19:7

Omboai mburuvicha guasu jëta reta, omboai tëta guasu reta jare pɨpegua reta; iñee pe omongɨɨye opaete vae.

EZEQUIEL 19:9

Karena pe oñapɨti reta oñono jɨru pe, jare güɨraja reta mburuvicha guasu Babilonia pegua pe; joko pe oñono reta tembipɨɨrɨru pe, agüɨye vaerä ma oyeendu iñee ɨvɨtɨ reta re Israel pe.’

EZEQUIEL 22:6

Nderapɨpe yogüɨreko mburuvicha reta Israel pegua vae, ipuere rupi oporoyuka reta.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

MIQUEAS 2:2

Oipota rai yae reta ɨvɨ, jare oyemombae reta jese, oipota reta ambuae vae jo, jare opɨ̈ro reta, güɨrekoasɨ katu reta kuimbae jare jo pegua reta, jare opɨ̈ro reta chugüi iɨvɨ.

MIQUEAS 3:10

Pemopüa Jerusalén, tëta guasu ɨvɨtɨ Sión pegua peporoyuka vae rupi jare jupimbae rupi.

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

Romanos 1:29

Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe,

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Colosenses 3:5

Jáeramo, peyuka opaete teko ikavimbae oï peré vae, jae ko: Aguasa, ikɨa vae, soo jemimbota reta, mbae ikavimbae, mbaepota rai (jae ko tumpa-raanga rami).

JOSUÉ 7:21

Mbaembae reta Jericó pe ñapɨ̈ro vae ipɨte pe aecha metei temimonde Babiloniaɨgua ipöra yae vae, jare dosciento reare korepoti pegua jare oro medio kilo oasa vae, aipota rai amae jese jare aekɨ; oime añomi añono ɨvɨgüɨ pe, cheküaraɨaguakapi pegua mbɨte pe, jare korepoti oime oï igüɨ pe.

2 Pedro 2:14

Jae reta jekuaeño oipota oyuvanga menda re, mbaetɨ iyangapɨɨ reta iyoa, oyapouka mbaeyoa iporogüɨrovia re mbaetɨ ipɨ̈rata vae reta pe, jae reta oyepokuaa imbaepotarai, Tumpa oyepopeyu ma jese reta.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

1 SAMUEL 8:3

Ërei mbaetɨ omomoe reta tu jeko, imbae potarai yae reta, korepoti oipɨɨ vɨari reta, güɨrokomegua reta teko jupi vae.