JEREMÍAS 22:16 - Biblia Guarani Tumpa Iñee

¹⁶ Oepɨ yepi paravete vae reta, jare oikoasɨ katu vae reta, jáeramo oë kavi chupe opaete mbaembae. Jökorai ko jókuae chekuaa vae. Che ndeYa ko jae kuae.

JEREMÍAS 22:16 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

SALMOS 109:31

Echa jae oñeñono omborɨ vaerä paravete vae reta, oepɨ vaerä omboeko vae reta güi.

SALMOS 36:10

Eiparareko ndekuaa vae reta, jupi vae reta pe emee ndembaejupi.

SALMOS 9:10

CheYa Tumpa, nderé oyekota ndekuaa vae reta, echa mbaetɨ reeya ndereeka vae reta.

PROVERBIOS 31:9

Eñemoë jese reta, jare eyapo jupi vae; ¡eepɨ, paravete vae reta jare mbae re oata vae reta!

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

JEREMÍAS 5:28

Okaru kavi jare ikɨra yae reta. Jeko ikavimbae oyapogüe oasa ete ye; mbaetɨ oyapo reta jupi vae tɨ̈reɨ pe, mbaetɨ oyapo jupi vae paravete vae reta pe.

JEREMÍAS 9:16

Opata amoai reta, kerupi ïru tëtaguasu reta oikuaambaea rupi, tu reta ave mbaetɨ oikuaa vae rupi; jare amondota ayukauka vaerä kɨsepuku pe opaetei okañɨtei regua.”

JEREMÍAS 9:24

Ërei ngatu toyemboete kuae re oipota oyemboete vae: Toyemboete chekuaa vae re. Che ko jae Tumpa ayapo mboroparareko vae, morojäa jare aporombojupi ɨvɨ pe vae; echa kuaekuae reta aipota. Che ndeYa jae kuae.”

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

San Juan 16:3

Kuae oyapo retata mbaetɨ oikuaa cheRu ramo jare mbaetɨ che chekuaa ramo.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 17:6

Amombeu ma nderegua kuae kuimbae reta nde remee cheve kuae oporogüɨroviambae vae reta ipɨte güi vae pe. Jae reta ndembae ko ërei remee cheve. Jae reta oyapo neñee jei vae.

San Juan 8:19

Jayave judío reta jei: —¿Kia pe pa oime oï ndeRu? Jesús jei chupe reta: —Pe reta mbaetɨ chekuaa jare mbaetɨ vi peikuaa cheRu. Chekuaa yave mona, cheRu peikuaata tëi vi ko.

Tito 1:16

Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!