JEREMÍAS 22:15 - Biblia Guarani Tumpa Iñee

¹⁵ ¿Reyemongeta pa mburuvicha guasurä reï ndero reñova kavi ɨ̈vɨrare pe jeko pegua? Nderu oiko kavi, echa oyapo jupi vae jare sɨmbi vae, jáeramo oë kavi opaete mbaembae chupe.

JEREMÍAS 22:15 ပူးပေါင်းရင်းမြစ်များ

2 SAMUEL 8:15

Jare David oiko mburuvicha guasurä opaete Israel re; jupi rupi jare isɨmbi rupi oyapo mbaembae opaete vae pe.

1 REYES 10:9

¡Toyemboeteuka ndeYa Tumpa, ipɨakatu ndekotɨ neñono ramboeve mburuvicha guasurä Israel re vae! Echa ndeYa oaɨu avei ko Israel, ¡jáeramo neñono mburuvicha guasurä, reporookuai vaerä jupi rupi jare sɨmbi rupi!”

2 REYES 22:2

Oyapo ikavi vae yandeYa jesa róvai, oiko iñemuñagüe David oiko rami kavi, opiambae reve ketɨ ave.

2 REYES 23:25

Mbaetɨ yé chugüi, ïru mburuvicha guasu jae ndei oiko mbove ani taɨkue rupi, jae rami oyepoepɨ yandeYa pe opaete ipɨa ndive, opaete jekove ndive, jare opaete imbaepuere ndive vae, opaete Moisés iporookuai jei rami.

1 CRÓNICAS 3:15

Josías taɨrɨpɨ jae Johanán, jare mokoía jae Joacim, mboapɨa jae Sedequías, jare irundɨa jae Salum.

2 CRÓNICAS 34:2

Josías oyapo ikavi vae yandeYa jesa róvai, omomoe iñemuñagüe David jeko, opiambae reve chugüi kërai ave yepe.

2 CRÓNICAS 35:22

Ërei Josías ñäteɨ osɨrɨ, oipotañoi oñeraro jae ndive, mbaetɨ oendu Necao omondo jei chupe vae, jókuae ñee Tumpa güi etei ou vae. Jare ou oñeraro vaerä jae ndive Meguido pe.

2 CRÓNICAS 35:26

Ïru mbaembae Josías oyapo vae regua, opaete iporomboete rupi kavi oyapo yandeYa iporookuai pe oyekuatía oï rami,

PROVERBIOS 20:28

Mburuvicha guasu ɨma oiko iporookuaía pe, iporoparareko, iyeaeä jare jupi yave.

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

PROVERBIOS 25:5

embosɨrɨ mburuvicha guasu güi iyoa vae, jayave jupi vae rupi oñemomɨ̈rata mborookuaía.

PROVERBIOS 29:4

Mburuvicha guasu jupi rupi kavi oiko vae, omomɨ̈rata jëtaguasu, ërei okovara reteiño opaño mbaembae re vae, omboai jëtaguasu.

PROVERBIOS 31:9

Eñemoë jese reta, jare eyapo jupi vae; ¡eepɨ, paravete vae reta jare mbae re oata vae reta!

ECLESIASTÉS 10:17

¡Oyerovia ko tëtaguasu, juvicha guasu imboetea yae vae, jare mburuvicha reta okaru iora pe kavi, jete pɨ̈rata reta vaerä vae, mbaetɨ okau reteiño vaerä!

ECLESIASTÉS 2:24

Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ISAÍAS 3:10

Ere jupi vae pe, ojo kavita ko, echa oyekouta jembiapo re.

ISAÍAS 33:16

jókuae nunga ko oiko pɨagüive aveita, iñepɨ̈roka ɨ̈vavira katuai vae ramita, ngaraa oata chupe tembíu jare ɨ.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 22:18

YandeYa jei Joacim Josías taɨ, mburuvicha guasu Judá pegua regua: “Ngaraa kia oäpiro imano. Ngaraa kia reta oyaeo jare jei: ‘¡Atataɨ, cherëtara! ¡Atataɨ, chereindɨ!’ ‘¡Atataɨ, cheya! ¡Atataɨ, cheruvicha!’

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 42:6

Güɨramoi, ikavi ani mbaetɨ ikavi oreve jae jei vae, royókuai reyerure vaerä chupe, royapota yandeYa Tumpa jei vae, roiko kavi vaerä.

JEREMÍAS 7:5

Ërei peñono kavi pereko reta jare peñeñono kavi ikavimbae peyapo vae reta güi yave, jare peyapo yave jupi vae oyoupe perapicha reta ndive,

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”