JEREMÍAS 22:10 - Biblia Guarani Tumpa Iñee

^10-12 Agüɨye peäpiro mburuvicha guasu Josías, agüɨye peäpiro omanogüe; peäpiro taɨ Salum, tu jekovia pe oguapɨ mburuvicharä vae, echa oyereraja ko ou yembae vaerä; ngaraa ye ma oecha iɨvɨ oa pɨpe vae.

JEREMÍAS 22:10 ပူးပေါင်းရင်းမြစ်များ

2 REYES 22:20

remano vaerä mbɨakatu rupi, rogüɨrajaukata neñemuñagüe reta ñogüɨnoia pe, mbaetɨta reecha opaete susere, che aruta kuae tëta re vae.’ ” Javoi mburuvicha guasu omondo vae reta oyerova ye imiari reta chupe.

2 REYES 23:29

Jókuae ara rupi Faraón Necao, mburuvicha guasu Egipto pegua ojo ɨ̈aka Éufrates kotɨ oporepeña vaerä mburuvicha guasu Asiria pegua re. Javoi mburuvicha guasu Josías oë japerä pe; ërei Necao oecha rupive oyuka Meguido pe.

2 CRÓNICAS 36:4

Javoi mburuvicha guasu Egipto pegua oñono Judá jare Jerusalén pe mburuvicha guasurä Eliaquim, jae ko Joacaz tɨvɨ, oipoepɨ jee Joacim pe, jare Joacaz güɨraja Egipto pe.

ECLESIASTÉS 4:2

Jáeramo, chevegua ikavi yae ñogüɨnoi opaete omano ma vae reta, jókuae oikoveño ñogüɨnoi vae reta güi;

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

JEREMÍAS 16:7

Manoa pe tembíu kavi oyeapo vae ave mbaetɨta ombopɨakatu vaerä omano vae jëtara reta, yepe tëi omano tu ani ichɨ.

JEREMÍAS 22:18

YandeYa jei Joacim Josías taɨ, mburuvicha guasu Judá pegua regua: “Ngaraa kia oäpiro imano. Ngaraa kia reta oyaeo jare jei: ‘¡Atataɨ, cherëtara! ¡Atataɨ, chereindɨ!’ ‘¡Atataɨ, cheya! ¡Atataɨ, cheruvicha!’

JEREMÍAS 22:27

Jayave, ngaraa ma oyerova reta ye, kuae ɨvɨ ikɨ̈reɨ yae oyerova reta ye tëi vae pe.

JEREMÍAS 25:27

Jaɨkue rupi yandeYa jei cheve: “Ere chupe reta che peYa Imbaepuere yae ete vae, Israel iTumpa ayókuai oɨu reta vaerä jese, oyembosavaɨpo regua, ogüëe jare togüɨapi, opüa yembae vaerä, ñeraro ambouta chupe vae jeko pegua.

JEREMÍAS 28:4

Jare aruruka yeta kuae pe Jeconías, Joacim taɨ, jae ko mburuvicha guasu Judá pegua, jare opaete oyereraja Judá güi Babilonia pe vae. Echa che amopëta yuvo mburuvicha guasu Babilonia pegua güi.”

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

JEREMÍAS 44:14

Metei ave ngaraa oasayepe jekove ndive Judá pe jembɨregüe, yogüɨraja Egipto pe yogüɨreko vae reta güi. Ikɨ̈reɨ ye tëi oyerova Judá pe oiko vaerä vae ngaraa ipuere, jaeño amogüe otekuaraigüe.’ ”

LAMENTACIONES 4:9

Ñeraro pe omano vae reta ikaviño, yɨmbɨaɨ oyuka vae güi; echa jovaruru reta omano mbegüe pe, mbaetɨ tembíu ɨvɨ pe jeko pegua.

EZEQUIEL 24:16

“Nde kuimbae, aekɨta ndegüi nderembireko güɨramoi peguaño. Ërei agüɨye eäpiro, agüɨye eyaeo, agüɨye epɨyere nderesaɨ.

San Lucas 23:28

Ërei Jesús oyerova omae jese reta jare jei chupe reta: —Jerusalén pegua kuña reta, agüɨye cheräpiro. Peñeäpiro pe aeño jare peäpiro pemembɨ reta.