JEREMÍAS 21:6 - Biblia Guarani Tumpa Iñee

⁶ Ayukata kuae tëta pegua reta; opaete vae reta jare mɨmba reta omanota mbaerasɨ ovakatu vae rupi.

JEREMÍAS 21:6 ပူးပေါင်းရင်းမြစ်များ

GÉNESIS 6:7

YandeYa jei: “Amokañɨteita kuae ɨvɨ güi kuimbae reta ayapogüe. Amokañɨteita kuimbae jare opaete mɨmba jare mɨmba ipɨtía re oguata vae, jare güɨra reta. ¡Echa chembopɨatɨtɨ arakae ayapo vae reta!”

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 20:4

Echa yandeYa jei körai: ‘Ropoepɨta kɨɨye rupi reiko vaerä jare opaete ndevɨa-ïru reta okɨɨyeta ndegüi; nderovake ndevɨa-ïru reta opata omano tovaicho reta ipo pe. Ameeta opaete Judá pegua reta mburuvicha guasu Babilonia pegua ipo pe, jae güɨrajata iɨvɨ güi ani oyukata kɨsepuku pe.

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 33:12

YandeYa Imbaepuere yae ete vae jei: “Kuae ɨvɨ ipombae añave oï vae, mbaetɨ kuimbae ani mɨmba pɨpe vae, jare opaete jëta guasu reta rupi vae pe, oime yeta kapii, vecha iyangarekoa reta güɨraja vaerä jɨmba omongaru jokoropi.

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

JEREMÍAS 36:29

Jare körai ere mburuvicha guasu pe: ‘Körai jei yandeYa: Nde reapɨ tembikuatía, jare reñeengata vi Jeremías pe, echa oikuatía jese mburuvicha guasu Babilonia pegua outa opa omboai kuae tëtaguasu, mbaetɨta pɨpe kuimbae ani mɨmba yepe.

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

EZEQUIEL 12:16

Ërei aroasayepeñota amogüe reta ñeraro güi, karuai güi jare mbaerasɨ ovakatu vae güi, imiari reta vaerä kerupi ïru tëtaguasu reta pe yogüɨrajaa rupi, ikavimbae oyapo reta vae re; jare oikuaa retata che ko jae iYa vae.”

EZEQUIEL 14:13

“Nde kuimbae, metei tëta iyoa chekotɨ oyembopɨapochɨ yae reve yave, che aiporaraukata chupe jare apɨ̈rota chugüi opaete tembíu reta; ambouta jókuae ɨvɨ re karuai, jare amaeñota omano kuimbae reta jare mɨmba reta.

EZEQUIEL 14:17

Ani aru yave ñeraro jókuae ɨvɨ re, omokañɨtei vaerä opaete vae reta jare mɨmba reta,

EZEQUIEL 14:19

Ani ambou yave mbaerasɨ ovakatu vae reta jókuae ɨvɨ pe, jare aitɨ yave chearasɨ jese amokañɨtei vaerä opaete vae reta jare mɨmba reta,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

EZEQUIEL 33:29

Kuae ɨvɨ opa amboai jare opɨta ma ipombae, opaete mbae pɨ̈chɨi vae oyapo reta jeko pegua yave, oikuaa retata che ko jae peYa vae.’

EZEQUIEL 7:15

Tëta guasu güi ikatu pe oime ñeraro, jare japɨpe pe mbaerasɨ ovakatu vae jare karuai. Ikatu rupi ñogüɨnoi vae omanota ñeraro pe, tëta guasu japɨpe ñogüɨnoi vae reta karuai jare mbaerasɨ ovakatu vae oyukata.

OSEAS 4:3

Jáeramo ɨvɨ ipɨatɨtɨ; mbaetɨta mɨ̈rata güɨnoi joko pe yogüɨreko vae, mɨmba pochɨ vae ñana rupigua, güɨra reta, jare jevae reta ɨ rupigua ave omano ñogüɨnoi.

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

SOFONÍAS 1:3

Amokañɨteita kuimbae reta, mɨmba reta, güɨra reta, pira reta, ngaraa amaeño iyoa vae re; amokañɨteita kuimbae reta ɨvɨ iárambo güi.” YandeYa jei körai:

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”