JEREMÍAS 21:13 - Biblia Guarani Tumpa Iñee

¹³ ‘Tëta guasu ɨvɨtɨ re reï vae, ɨvɨtɨ päu ipe kavi vae oyere nderé vae, che ndeYa jae ndekotɨ; pe reta pere: ¿Kia pa ipuereta yanderé? ¿Kia pa ipuereta oike ñaneñepɨ̈roka pe?

JEREMÍAS 21:13 ပူးပေါင်းရင်းမြစ်များ

SALMOS 125:2

Jerusalén güɨnoi iyɨ́vɨri ɨvɨtɨ reta, jökorai ko yandeYa oï imbae reta iyɨ́vɨri, añave güive jekuae avei rupi.

ÉXODO 13:20

Jare yogüɨraja reta Sucot güi, jare opa yogüɨraja reta oyembojeyupa Etam pe, ñuu oyemboɨpɨa pe.

ÉXODO 13:8

Jókuae ara pemiarita peraɨ reta pe: ‘Oyeapo ko kuae, yandeYa oyapo oreve Egipto güi orerenoe yave vae jeko pegua.

ISAÍAS 22:1

Tëta guasu ɨvɨtɨ päu ipe kavi vae reta ipäu pegua maratuta vae regua: ¿Maera pa opaete vae oyeupi o iárambo?

JEREMÍAS 17:3

jare ɨvɨtɨ reta ñuu pegua re. Ndeyoa jeko pegua, apɨ̈roukata ndegüi opaete ndembaeyekou reta; oñepɨ̈rota ndegüi, mbaemboete renda reta ɨvɨtɨ rupigua, opaete ndeɨvɨ rupi renoi vae jeko pegua.

JEREMÍAS 21:5

Che etei añorarota pe ndive, opaete chembaepuere ndive jare chearasɨ yae reve.

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

JEREMÍAS 50:31

YandeYa Imbaepuere yae ete vae jei: “Tëta guasu ipɨayemboete vae, che ayemboyovaicho ndekotɨ; oväe ara, reiporara yae vaerä.

JEREMÍAS 51:25

Che añemopüa ndekotɨ, ɨvɨtɨ guasu oporomboai vae; reporomboai opaete ɨvɨ rupi vae. Che peYa ko jae kuae. Amopüata chepo aiporarauka ndeve vaerä, rombotokororota roitɨ ɨ̈vavira güi, jare roeyata ɨvɨtɨ okaigüe rami.

JEREMÍAS 7:4

Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

LAMENTACIONES 4:12

Opaete ɨvɨ pegua mburuvicha guasu reta, jare opaete ɨvɨ pe yogüɨreko vae reta, mbaetɨ etei güɨrovia tovaicho reta oiketa ko Jerusalén jöke rupi etei vae.

EZEQUIEL 13:8

Jáeramo che peYa jae: Pe reta pemiari raangaiño jare pemombeu añetembae, jáeramo che tayovaicho pekotɨ.

EZEQUIEL 21:3

Ere ɨvɨ Israel kotɨ: ‘YandeYa Tumpa jei körai: Che ayovaicho ndekotɨ, anoeta chekɨsepuku jɨru güi, jare ayukata ndegüi jupi vae reta jare iyoa vae reta.

EZEQUIEL 34:10

YandeYa Tumpa jei körai: ¡Chemboarasɨ vecha iyangarekoa reta! Amboetata chupe reta chevecha reta re, apɨ̈rota chugüi reta kuae mbaravɨkɨ, ngaraa ye ma iyé aeño oyangareko reta, echa apɨ̈rota chevecha reta chugüi, ngaraa ma güɨreko reta jembiurä.’

EZEQUIEL 5:8

Jáeramo che ndeYa jae: Che ayemboyovaichota ndekotɨ Jerusalén; aiporaraukata ndeve tëtaguasu reta jovake,

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

NAHUM 2:13

YandeYa Imbaepuere yae ete vae jei: “Ko añemopüa ndekotɨ: Opata aapɨ nekäretou ñeraro pegua reta, opata ayapo tätatirä; opata ayuka nderaɨ reta; opata amokañɨ maeñomi oime ndeɨvɨ pe vae, jare ngaraa ye ma oyeendu neñee jerajaa reta iñee.”